想愛咖啡店: 5.Latte—人見人愛(下)

她叫永怡
在學校是女神，也是女人公敵(女人啊……)
永怡永遠不乏追隨者，觀音兵一大堆
可是她從不理會
因為她就像一杯Latte，不是真正愛飲咖啡的人，只會飲Latte
原因是很多人都飲Latte
因此追求她的都只是被樣貌吸引

永怡：「男人就係下流，見到女仔只會睇樣，睇波，睇腳，膚淺到死」
我：「…………」没有辦法男人真的是這樣，而且男又係用下面來諗野…麻～


永怡：「我係學校大把兵、徧徧個個都係膚淺男，如果我變左豬扒，仲會有咁多兵咩！嗚嗚嗚嗚嗚……」
説着説着她哭了
我：「係～男仔識女仔一定睇樣先，但個樣幾好，性格差我點都唔會要！」
永怡：「車～行到死！」
我：「等妳大左就會明，愛情係一門學問，唔可以急，宜慢慢來，妳搵緊另一半，另一半都搵緊妳。」
永怡：「都唔知要搵幾耐……」
我：「話唔定好快呢～妳留意身邊既人啦，另一半可能就係妳左右」
永怡：「神神秘秘感，不過又可能啱既～老闆多謝你陪我吹水喎～」
我：「哈哈！舉手之勞姐」
永怡放低錢就離開，走前仲講左句「其實我好憎飲Latte ，但老闆沖得好好味～」



睇來對愛情仲未摸透
依門學問真係好深……
唔知各位點諗呢？