我是後備情人，還是你真的不喜歡我？: 原來我曾經是第三者ch13.

一次機緣巧合下  我認識了她
她就是他的兄弟曾經告訴過我的那個女孩
在我剛開始和他一起  他msn狀態所顯示的那個名字
我一直搞不清楚那時的事
她是我師妹  比我們低一年級
雖然平常我們不會常常見面  又不能一起吃飯   上課聊天
但我們放學後經常在一起
她對我很好  會跟我聊心事  
甚至有一次我被一班同學欺負  她還替我出頭
她好像知道我跟他的事


但她從沒有對我過問  亦從來沒有提及
有一次我真的忍不住問她
我：「其實你系咪同過xx一齊？」
她：「做咩咁問嘅？」
我：「冇呀..純粹想知下..」
她：「我系同過佢一齊   不過散左好耐   你呢？」
我：「吓？我...我同佢吾系好熟架咋 」
她：「唔好呃我啦你，我知道你中意佢 」
我：「唉..中意有咩用？」
她：「發生咩事呀？」


其後我一五一十把整件事詳盡地交代了
我們發現他跟她一起的時間和我跟他一起的時間好像重疊了
這件事令我很生氣
因為我相信無論怎樣愛情都不能夠出軌
愛情只應該是兩個人  不應有第三第四個人的介入
那天晚上我很生氣  一定在想要不要找他對質
我先上線   一直等著他上線
電腦螢幕右下方終於彈出一個視窗信息
他：「喂，聽日教師專業發展日，我屋企朝早八點就冇人喇 」
我：「我有啲野想問你」


他：「有咩聽日先講啦，聽日大把時間 」
我：「有啲野我想而加就知，吾想拖到聽日」
他：「咁聽日都見到   聽日面對面講有咩問題？」
我：「我問你一個問題  你答左我先   如果咪我聽日吾會搵你」
他：「咩？」
我：「之前你溝我個陣，系咪同緊另一個女仔一齊？」
他：「咩另一個女仔？」
我：「系咪要我開名？」
他：「哦..你講XXX呀？」
我：「嗯，可吾可以解釋一下」
他：「佢系掛名架咋，其實大家都吾中意大家，掛個名咋嘛」
我：「吾中意點解要一齊？」
他：「有咩問題呢？」
我：「點解你會覺得冇問題呢？」
他：「吓  個個都系咁架啦」


我：「咁你個陣時仲溝我？我好似變左第三者咁! 」
他：「無所謂架，又無人知」
我：「咩無人知？你個msn狀態咁高調! 然後又系學校傳我同你，咁樣點解釋？」
他：「仲邊有人記得呀 」
我：「點解我緊張嘅野你可以覺得冇乜野」
他：「我吾明你緊張啲咩，都過左去咁耐」
我：「你究竟當我系乜野，自己已經有女朋友仲溝我同我上床，你當我系咩？」
他：「個陣同你一齊都叫你吾好周圍講，最後你咪又系周圍講比人知，我都冇同你計啦」
我：「吾怪得之個陣叫我一定吾可以同其他人講，因為你自己一腳踏兩船在先」
       「仲有我再同你講多最後一次，我冇周圍同人講，系你地班啲同學自己見到，人地問你系你自己承認」
他：「你中意點講就點講啦」
我：「咁你肯答我未？系咪你一腳踏兩船？究竟你當我系乜野」
電腦螢幕突然右下方彈出他已離線
我生氣得把整台電腦都關掉   
我下定決心從此以後要跟這個人斷絕關係


因為我相當痛恨  亦瞧不起那些玩弄愛情的人
更令我難受的是   我從來認真對待愛情
我最看不起就是那些破壞別人感情的第三者
想不到我卻無意中成為了我最討厭的這種人
我痛恨自己愛過這個人
亦痛恨自己傻得那麼徹底。

也許是因為這樣  我對她特別好
是補償也好  或者覺得內疚也好
雖然她口說不介意  也叫我不用放在心上
因為她說她從來沒有愛過他
但她愈是這樣說   我愈是覺得內疚
我心裡難過   難受的是為何他寧願愛一個不愛他的女人
也不愛一個能夠為他擋子彈的女人
是否一直以來都只是我一廂情願地單戀這個人


是否其實他從來沒有愛過我一分鐘  甚至一秒？