是咁的，表妹放假落來香港......: 第一章
是咁的，今日係10月1號嘅國慶，由於大陸嘅國慶比香港多幾日，而且亦都撞正重陽節，所以舅母同表妹就落來香港玩+拜佢老豆（利申:骨灰係香港）。
表妹16歲，而我就17歲。
一大朝早，我老媽就叫咗我起身，因為要同表妹舅母飲茶。
咁因為對上一次見到表妹嗰陣係5年前，我依稀記得佢係個矮我少少，又有少少肥嘅女仔。我本身冇抱有咁大期望 。
直到我老豆同老媽都話佢依家嘅身材好好。不過都應該唔關我事啦（我以為...）。
我老豆老媽約咗佢哋去太和嘅其中一間酒樓等，因為佢哋都識撘火車落到黎太和，而且唔駛轉車。
到咗之後，未見到佢哋，所以就坐底咗係其中一張枱到叫定嘢食。作為一個毒撚，冇帶電腦都一定要帶部遊戲機（3DS）啦，玩嘅game係瑪利歐賽車7。
打咗陣機，突然聽到聽" Hi "，之後又見到我老媽同啱啱嘅人say hi ，於是就望咗過去。有兩個人，一個大約5x歲，另一個就1x歲，應該細我少少。第一眼望落去，心諗" 嘩屌，佢真係我表妹黎㗎！？ "佢真係同香港嘅女仔好唔同，雖然佢冇帶眼鏡，但係佢比我嘅感覺就係一個讀書人，佢真係好prue好true，唔是講笑。
咁我估老啲嗰個女人應該係舅母，咁我就講" Hi Auntie "。之後對住個女仔講" h...i.. "之後佢就面紅紅咁同我講" H..i."。原來佢講嘢有少少鄉音，真係好得意，有啲農村女孩feel，連打扮都有少少似。