在愛情中徘徊的那些日子: 二.背叛

站在浴室的偉庭萬萬都想唔到蘇珊暗地裡同佢死黨一齊，還要出言挖苦自己
剛剛才經歷完人生最開心的時候不到半晚就經歷人生最無地自容的一刻。
「沖完涼啦？過黎訓啦」蘇珊若無其事叫偉庭一齊訓，本來有些倦意的偉庭沒有回答直接走出房間
到廚房又拿了一罐啤酒重回二樓露台，喝著喝著偉庭不自覺地流下眼淚
「偉庭你仲未訓既？咁好feel飲酒既」偉庭偷偷擦去眼淚轉身一看，是其中一位委員伊汶。
「哦..冇呀訓唔著咪出黎睇下風景囉，你呢？」
「冇呀生保床訓唔到覺，唔想嘈親同學咪出黎hea下囉」
「你轉黎我地學校慣唔慣？點解你會自廌做委員既？」
「呢度好過我以前讀果間學校，我見今年係中學最後一年想留低呢d回憶，同埋積極參加課外活動報大學可能對我印象好d掛！」
「哈哈哈..又係喎..而家如果成績麻麻就可能用呢d課外活動黎加分..係呢點解你會轉校既？通常都係低form先轉姐」




「我屋企搬左屋，呢間學校評語又唔差我屋企咪叫我轉校黎呢度讀囉..」
偉庭同伊汶由半夜傾到天光，其他同學亦開始起床梳洗收拾準備出門食早餐
偉庭偷瞄到蘇珊好幾次偷看他但特登不看過去，跟其他同學一起食早餐，回到別墅後就到碼頭搭船回程

回到學校
「喂偉庭你有冇同蘇珊有進展先？？」嘉倫不知道偉庭一早已知道他與蘇珊的關係
「哼..睇黎呢句說話我要問你」「你..哈哈你講緊咩..我唔明」
「你唔明？你真係唔明？我x你老母！」說罷揮拳打向嘉倫，兩人扭作一團其他同學被突如其來的狀況嚇倒，一時間不知道如何反應
「你兩個做咩呀？！停手呀！」班主任見狀立刻分開兩人
偉庭甩開班主任，怒目對視著眼前的嘉倫及躲在嘉倫背後的蘇珊




「你老實答我，你同佢一齊左幾耐！」
「關你x事！係你自己on9唔知咋，我警告你唔好諗住再打蘇珊主意，佢而家係我女朋友！」
「偉庭你算吧啦，你冇樣野比得上嘉倫，夠膽鐘意我？唔知醜！」
一日之間失去相識多年的死黨及暗戀多年的女神，偉庭接受不了如此打擊，推開兩人衝出班房
在學校圖書館後甚少有學生經過的後樓梯坐下抱頭痛哭的偉庭看見一雙腳，抬頭一看原來是伊汶
「你冇野呀嘛？抹左d眼淚先啦」伊汶拿出一張紙巾遞給偉庭
「....俾你見到我咁樣好瘀添」
「其實我都明既，聽同學講你咁多年都暗戀蘇珊..雖然呢個已經係公開既秘密..今日又為左佢同嘉倫打起上黎你個心一定唔好受..不過偉庭你都唔好唔開心啦，或者以後你會遇到個更好既呢..」
「我唔想聽到佢兩個既名同事...不過真係多謝你同你張紙巾，我好快會冇野架啦..雖然同你唔熟但你都走黎安慰我..多謝你」
「傻啦..我費事d師弟妹見到你而家呢個衰樣咋，就黎打鐘啦你快d返去班房啦，咩事都好，唔好再咁衝動啦」




偉庭返到班房後見到嘉倫，全身火燙但想起伊汶的說話慢慢令自己回復平靜繼續上堂

沒有死黨的日子偉庭已不在乎，剎那間慶幸自己今天能真正認清嘉倫為人
人家說女仔的友誼是很脆弱的，今日才驚覺原來一個女仔足以令兄弟死黨決裂，男人的友誼何嘗又不是如此不堪一擊的呢？

經過這件事後蘇珊和嘉倫的戀情很快浮上水面，全級的同學都知道他們兩人的關係
有時在與其他同學傾談間亦不時談到他們倆，雖然同學很快便住口但對偉庭來說始終心裡不是味兒
中學的生涯很快便完結，每個人都開始為自己的將來煩惱，而偉庭亦已想好自己的路就是跟他父親一樣從事貿易工作。