在Instagram談一場戀愛: 第三十二章

「你有無睇新聞？」
 
 
「咩新聞？」我問。
 
 
「你果然係遲暮派派主，乜野都遲過人先知。」
 
 
「敢問有咩大事發生呢大人。」


 
 
「今日人大表決行政長官既普選辦法啊。」
 
 
啊，原來她也有留意。
 
 
怎麼好像只有我一個不在意……
 


 
「咁個結果……？」
 
 
「我諗你自己睇好啲。」
 
 
我打開新聞台，果然沒錯，是今日作表決。
 
 


新聞上清晰的大字顯示，決定還是沒有變。
 
 
雖然一早知道，不過心情卻仍然感到失落。
 
 
「喂。」
 
 
「嗯？」
 
 
「加油喔。」
 
 


「加油？」
 
 
「你唔係今日去見嗰個女仔咩？」
 
 
「喔，妳又記得。」
 
 
「照我咁講，實無錯！」
 
 
「多謝，但妳可唔可以解釋下啲相係咩意思，咩3咩1。」
 
 


「今日個天好藍喔。」
 
 
「你成日都回避我問題，妳其實係咪政府官黎？」
 
 
「呵呵，你估中左，我真係官，不過係專門管你既官。」
 
 
http://holland.pk/a3d5f6ui
 
 
我和樂瞳相約的地方在旺角的一樓樓上咖啡店。
 
 


幸有小寶能約她，因為我沒有Instagram，應該說我沒有用過自己的帳號。
 
 
由一開始我就沒有登出過IG女孩的帳號。
 
 
「妳唔去啊？」我在電話裡問小寶。
 
 
「去……？」
 
 
「去見樂瞳啊。」
 
 


沉默了一會，她續說：「唔啦，我唔舒服……」
 
 
「妳無事嘛？」
 
 
「小事……感冒啫……可能冷氣太凍。」
 
 
「咁妳休息下啦。」
 
 
我唯有孤身上路。
 
 
甫踏入登打士廣場門口，頓時便會傾出三五十個女生以高超反應，
 
 
雙腳大步一跨，靈敏地就將傳單如送錢般豪爽塞到你手上，
 
 
再同時合拍地共嗚：「十樓……二十一樓……十七樓……有任坐夜晚送一杯抵飲抵食啊野飲 broad game 套餐任食任玩……」
 
 
broad game 任食？
 
 
如果聆聽考「請清楚覆述剛才的句子」，叫學子們情何以堪。
 
 
進到咖啡店時，坐了不久，樂瞳就到了。
 
 
老實說，你問我怕不怕信義知道後介意，我怕，但我相信面對面的對談比較有效。
 
 
「對唔住啊黎左好耐？」她坐下便問我。
 
 
「唔係一陣啫，食咩？」
 
 
我們選完食物後，扎馬尾的女待應走開後，我便直接的說：「妳……同信義好返返未？」
 
 
她從剛才帶有一絲的微笑，在聽到信義的名字後頓時消失不見。
 
 
「未啊……」
 
 
「佢無搵你咩？」
 
 
「有……但我唔知點應佢。」
 
 
「因為……？」
 
 
「我地好似唔夾……我……好似點做佢都會唔開心，會嬲咁。」她停了停，咬一下唇後又說：「不如分開對大家仲好。」
 
 
「喔……妳知唔知妳身邊好多人都中意妳？」
 
 
「我明，但我唔會中意佢地架嘛。」
 
 
「喔……」
 
 
她瞧著我，仿佛在等待我說什麼一樣。
 
 
「嗯？」
 
 
「你唔係黎勸我架咩？」
 
 
「勸你咩？」
 
 
「勸我……同返佢一齊。」
 
 
「我當然想啦。」我換一下坐姿後又說：「老實講我同佢都未好返，如果你地可以好返，我諗我地和好一定易好多。」
 
 
她點點頭，像是她預期我會說這些話。
 
 
「只不過我唔可以咁自私嘛，如果你地唔夾都梗係要你地一齊，其實咁先係傷害你，傷害我既好朋友。」
 
 
我續說：「講真嗰句，你地真係唔夾……你太貪玩，佢太無信心。」
 
 
她定睛的望著我，眼神吿訴我她沒有預料我會這麼說。
 
 
「但係……有個人教我，如果好愛對方，無論點樣都會改變去配合，當然要雙方都做，一個人會攰死。」
 
 
「視乎睇你有幾愛佢。」我說。
 
 
她沉默了很久，才開口說：「你嗰朋友幾……特別。」
 
 
「特別？」
 
 
「好似好天真理想，但話唔定咁樣先係岩。」
 
 
我們吃過飯後便離開，可能因為大家都意識要有避諱，但這餐飯的氣氛不錯，
 
 
樂瞳意外的好聊，她說她貪玩、自拍性感照，其實是受身邊的朋友影響。
 
 
「當個個都咁做時，你就會覺得係無乜野，唔玩反而好怪。」她笑說。
 
也可能一部分是天性，我想起信義對我說他們公園那晚。
 
 
幸好她不知道。
 
 
「我會考慮下你講既野。」她又說。
 
 
「咁就好。」
 
 
分別後，我又打開電話，發現原來Krystal在兩個小時前Whatapps我。
 
 
「嘩～估唔到你講既野幾有point喎。」Krystal說。
 
 
她聽見了？
 
 





 
她說：「性格不合是不是藉口我不知道，不過這世界原本就很少完全相配的一對啦。」