第二章
型同馬sir 滙報華之上另有高層供應毒品。鄭sir同另一team警察調查,鎖定曾偉係香港新義安白粉、大麻供應者。曾偉係中共高層曾慶紅兒子。鄭sir收到消息,曾偉今日會去香港蘭桂坊附近既Dragon-I飲嘢,型、飛英、帥今日去Dragon-I,去撞曾偉,目的係打探毒品消息。
 
來到Dragon-I,阿帥一眼就見到曾偉。偉身邊早已有6名保鏢跟身。阿型叫阿帥去請曾偉飲酒,帥走去酒窖攞左一支1982年既波爾多紅酒,帥取酒就走去曾偉,邀請同曾偉佢地一枱人乾一杯,偉說﹕「1982年波爾多係一個好既年份,呢杯酒我同你乾﹗」帥飲一杯即刻有d醉,帥假扮站立不穩,阿型同飛英乘機走去扶帥,偉身邊保鏢朋友阿鬼對型說﹕「你地咁後生估唔到咁易醉。型說﹕我朋友叫阿帥,佢係新義安既拆家,喺新義安入面酒量最差既人,出左名酒量差的了。」偉說﹕「咦,你地係新義安的嗎﹖我今日都約左新義安的朋友傾d生意,兩個鐘頭之後先到,你地就陪我地玩下啤牌吧﹗」
 
型當然立即話好,飛英負責同班保鏢玩啤牌,型於是同偉傾偈探探口風。偉問型﹕「喺香港自稱黑社會成員係犯法架wor,你地都好大膽下。」帥一聽笑答,「我哋有碰杯,係朋友嚟,朋友之間自然咩都可以講笑啦」,型接住說﹕「既然係講笑,警察吹唔脹我地既﹗」型取出自己咭片俾偉,說﹕「我平日會以恒平集團的採購經理身份,掩飾自己的新義安身分」,偉豎起手指公說﹕「我知道恒平集團係新義安龍頭大佬軍爺開的公司,但今日我同軍爺個手下展哥傾生意。」
 
型說﹕「我只係見過展哥,未見過軍爺。」阿鬼笑說﹕「軍爺﹖我想見佢都唔俾我見wor。」偉點頭答﹕「你地呢d咁低層既人,點會咁輕易見到高層人士﹖軍爺地位咁高,佢做嘢都只會叫d細既出面,你地班最底層自然好少機會可以見到佢。」
玩了兩個鐘頭後,展哥嚟到Dragon-I,展見到型就說﹕「你就阿華近日新收返嚟既阿型﹖聽阿華講你好做得嘢架wor」,型說﹕「多謝展哥關照就真」,展哥擺一擺手,轉同偉講﹕「呢個場太靜,我同你去第二度,傾生意無咁容易俾人聽到。」阿鬼等3人自己要求留下,偉就帶同3名保鏢,跟住展哥,一齊去左對面街一間冷巷club ,型黨三人不敢跟去,飛英暗中sms 靚仔同阿正,叫佢地跟蹤曾偉等人,同偷聽佢同展哥傾乜內容。
 




只見曾偉同展哥喺呢一間嘈到飛起既club,仲要二人故意行近喇叭「傾生意」,只見展哥聽完偉既要求後,面色一沉,面有難色,偉微怒吼道﹕「你地平日收左我咁多高質量大麻,白粉,咁平批俾你地,你地新義安收左咁多好處,叫你地新義安做低一個人都托我手淨﹗」展哥本來不肯,猛話「咁做我都唔掂wor」,但最後不敵偉的威脅而應承左。
曾偉說﹕「暗殺成功之後,我私底下送你一個貨櫃既大麻,市價過億元。」
偉緊接又補充道﹕「呢次暗殺你一定要成功,如果唔係,呢個人秋後算帳…我同你都唔掂﹗」
 
靚仔SMS型,話偉同展哥傾完要走,型於是同阿鬼等人說﹕「夜啦我地要轉場,佢地亦未必會返嚟呢度。」型故意走出club外行逛,果然撞到展哥,型故意同展打招呼,展唔知點解好開心咁走過來,展說﹕「阿型,做拆家仔冇出息架wor,我有個任務俾你,做完保證你搵真銀。」
展說﹕「我想你去大陸山東省黃海一趟,暗殺一個人。」型一驚﹕「殺邊個﹖」 展﹕「我唔知,你去到黃海,會有一個叫阿鬼既聯絡你,到時你聽佢命令,佢會同你講殺邊個。」
型一聽,立即同展哥說﹕「好﹗呢個暗殺行動我做﹗橫掂近排我好等錢駛。」
展﹕「阿型你肯做就最好啦,不過咁,如果你失敗左千祈唔好爆我地新義安出嚟,得唔得先﹖﹗」
型﹕「梗係得la,出得嚟行,最緊要義氣,我一定唔會咁衰仔爆你地大佬出嚟既﹗」
展於是俾左黃海的一個地址俾型,係山東省威海市人民北路昌盛大厦12樓辦公室,3月11日下午12點去該地會合阿鬼。於是型就接左呢個暗殺case嚟做。




 
 
 
型接左呢個暗殺case之後,相約馬sir,返去永安樓住所,同馬sir 商量。馬sir說﹕「呢個case喺大陸,香港警方根本無權阻止大陸的罪案。」
但型說﹕「我地之前拉左咁多毒犯,立左大功,我認為我地私底下返大陸做我地想做既case,拉我地想拉的人,並無問題。」
馬SIR﹕「咁好啦,我隻眼開隻眼閉,你地暗中返大陸執法,千祈唔好同人講我准許你地咁做,我仲想做警察,唔好害我俾人炒。」
 
3月11日,型黨5人出發已到左山東省威海市,型、飛英、帥三人到左約定地點昌盛大厦12樓,同阿鬼會面。阿正、靚仔二人留昌盛大厦地下侯命。阿鬼喺office 內,俾左型一幅相,說﹕「就係殺呢個人。」阿帥一見相中人,大叫﹕「咩話殺胡錦濤﹗」阿鬼說﹕「你地唔需要理佢係咩人,總之跟order做嘢,你地就有錢收。」
 
鬼將假士兵証,同海軍制服俾3人。鬼說﹕「你地換上海員裝,到時你地會上胡錦濤隻船。」




型說﹕「我仲有兩個助手無喺度,你可唔可以俾多兩套海員服﹖同兩張士兵証。」阿鬼聽罷依言整多兩套海員服,同兩張士兵証俾阿型。型問鬼﹕「我果兩名助手攞住呢兩張士兵証就可以入到海軍營地,同上到軍艦﹖」鬼答﹕「應該得,如果唔得,你叫你果兩位助手自己諗辦法吧。」
飛英將呢兩套海員服,同兩張士兵証,攞俾喺昌盛大厦地下的靚仔、阿帥,叫佢地自己諗辦法上船。之後飛英返回大廈12樓office。
飛英問阿鬼﹕我地殺左胡生之後,點離開﹖
鬼﹕隻船上返岸,你地咪可以離開law
型﹕我反而想問清楚,點解我地要殺胡主席﹖
鬼﹕我係聽命令做嘢既遮,背後原因我唔清楚
型﹕如果我係要知道原因呢﹖咁點
鬼﹕你地係咪有錢都唔賺﹖不過等陣你地喺黃海仲有機會見到阿偉哥,到時你可以再問佢
阿帥﹕我地要點殺胡錦濤﹖
鬼﹕上到船後,我會安排你地上去2樓軍人飯堂,喺飯堂窗邊,你地可以清晰睇到甲板,胡錦濤到時一定會上甲板,你地就可以喺窗邊開槍殺佢
帥﹕殺完佢,我地怎脫身﹖
鬼﹕我到時會放幾百名曾慶紅派系的軍人去飯堂食飯,你地開槍之後,立即埋枱食飯,到時有幾百名嫌疑犯,最後一定捉唔到人,大事化小,你地一定安全返屋企
 
 
阿鬼揸左一架軍隊車牌的私家車,載左3人到威海港。經過軍隊哨站,阿鬼show一show張pass哨兵就俾全車進入海軍軍營範圍。阿鬼指一指一隻黃色的軍艦,說﹕「你地上呢一隻飛龍號。」再指一指艦前閘口,說「你地去到呢個32號閘口就可以排隊上去。」而飛龍號前面,又的確有一幅巨大橫額,歡迎胡錦濤主席的蒞臨。




 
阿鬼帶型黨3人去海軍會議室,型黨見到曾偉。
飛英問曾偉﹕「我知道你係曾慶紅個仔,一定係曾慶紅指使呢一次殺人。點解唔係曾慶紅自己的兵,自己出手殺,要搵黑社會殺﹖」
曾偉﹕「軍人所受係海軍訓練,未學過暗殺,同埋太老實,如果俾人捉到,一定爆我地呢班指使人士出嚟,相反古惑仔習慣講大話,係合適人選。」
型緊接問曾偉﹕「其實你老豆曾慶紅點解要殺胡錦濤﹖」
曾偉哈哈大笑,接著正經咁說﹕「你知唔知上年胡錦濤做左國家主席﹖佢做左國家主席之後,順理成章,一定要全國軍隊聽佢的話。上年9月,黨內開一中全會,依加佢已經得到黨內支持掌管軍隊,下一步必定逼我父親交出濟南軍區3個團一個師的軍權,所以一定要殺死胡錦濤,令我父親曾慶紅能以國家副主席身份,兼任國家軍委主席,到時我地曾家就可以利用軍隊,keep住包庇黑社會,大發其財﹗」
 
型等3人離開會議室後,型提議去廁所,飛英,阿帥聽從。3人入廁所後,卻係細細聲開另一個會議,商量上到船上後的部署。
型對飛英說﹕「上到飛龍號,你地兩個上飯堂,我唔上去,反而要喺甲板等胡錦濤。飛英到時負責開槍,要打唔中胡主席,目的係要「打草驚蛇」。因為我怕曾慶紅會喺甲板上埋伏其他殺手,唔只聘請我地殺胡主席,我到時要喺甲板,帶胡錦濤離開甲板,到安全地方。」飛英、阿帥受計而去。型黨3人於是到閘口上船,到4點鐘,胡錦濤聯同保鏢、新聞官、親兵等三百多人上飛龍號。而靚仔,阿正亦成功用士兵証登上軍艦。5點45分,飛龍號正式起航。
 
 
話說胡主席的飛龍號,離開碼頭之後,駛左出黃海約15海浬。胡主席準備上甲板發表講話,型已經喺甲板上等候胡錦濤,並留意四周有冇可疑人物。同一時間只見不遠處有兩艘軍艦快速向飛龍號駛來。
飛英一見胡錦濤走上甲板,二話不說,立即開槍,打中胡身後的演講臺,眾人受驚大叫逃跑,型走上前叫道﹕「胡主席,有人暗殺你,快D返去船艙入面﹗」
 
兩艘駛來的軍艦,呢個時候,見到甲板上大亂,同時間向飛龍號甲板開火,型全力推人群,將胡推向甲板相反方向的船艙,胡避過炮火攻擊,逃入船艙,由胡派系軍人保護。但保鏢、軍人十六人中炮,全部死亡。




 
型見胡已經安全後,自己走回飯堂同飛英、阿帥會合。呢個時候,胡主席親兵上左來飯堂,要捉拿開槍的人,但因為飯堂內數百人,全部都係曾慶紅的兵,無人合作調查,親兵見幾百人太多人,無法調查,只好無功而返。
 
型喺飯堂內,借左一塊托板,寫左一封信俾胡錦濤,內容係勸胡儘快做國家軍委主席,因為今日暗殺的原因,係有人阻止胡抓軍權,只要胡做左軍委主委,就大局已定,可停止一切暗殺。
型寫完此封信後,帶信走出飯堂,走近胡錦濤的專用船艙,被保鏢攔住,型只好將信件俾保鏢。保鏢收左信之後轉交胡錦濤主席。胡錦濤睇左封信,決定加速收歸軍權。飛龍號於晚上11時返回岸上威海港碼頭,胡錦濤一上岸,立即坐專車飛馳回北京。
 
2日後,3月13日,二中全會開幕,胡錦濤當選,做左國家軍委主席。
 
型向馬sir 用email滙報左在黃海的行動。馬sir收到信後,知道型黨成功阻止一次暗殺,間接幫助中國軍方順利過渡,由江澤民轉到胡錦濤領導,馬sir雖非親身經歷,也喜不自勝。(待續)
 
---------(頭盔) 本故事一切事件係根據實況改編,如有雷同,實屬巧合。 
已有 0 人追稿