今日去代課飛左隻麻雀入課室，出左好大件事: 4

估唔到第一日教書會教到飛落街
我諗緊聽日份報紙會點寫...

「新任教師堂上跳樓 原因未明」
「惡魔教師表演跳樓 學生嚇成淚人」
「良師抺窗失足墮樓 當場身亡」



點都好




拍硬檔你班友口密D，唔好話我因為捉麻雀飛出去呀



「呢邊呀!」
突然，我聽到校長把聲
而我都停止向下墜







我係半空中向上一望，校長捉住左我隻腳



點解校長會突然出現，點解佢會咁都捉得住我
佢無可能會咁好身手...點解!!點解!!!










當校長拉返我入課室，窗外傳黎「西!」 「西!」 「西!」 「西!」4下聲
現場其實好嘈，D學生仲未收聲，但4下「西」我真係聽得好清楚



我仲未回神，
校長已經係我耳邊細細聲講 :「你安排D學生去安全既地方先，唔好嚇親佢地」





仆街，空軍呀?去防空洞呀?點先安全呀，有咩危險呀




我問校長 :「係咪同隻麻雀有關」



佢拍左一下心細聲講:「一人做事一人當」


我唔知佢講咩，但我決定帶D學生去廁所先














佢地有一半嚇到賴左屎