點解會變gay e個問題其實一直都存在好多member既心入面,但自我真正接觸到男仔,而又有性趣既話,可以話係細細個中一果時玩《勁_團》e隻online game入面識既一個男仔。
 
其實一開頭我都係用男角色,咁同d同學玩緊係要用男角色嫁啦,如果唔係會比人話係人妖,其實game入面我估都有唔少人妖,而家唔明白點解d人會咁蠢玩網戀,但係細個既時候應該都有唔少人玩過啦。
 
回想當年,事關有一日,我有個青梅竹馬既女仔朋友,佢係game度識左個男朋友,條仔送左勁多點比佢,咁貪心既我照版板煮碗學佢係《勁_團》開番隻女角招網戀。
 
過左冇耐有個叫呀濤既雞公頭男仔短褲拖鞋走黎hi我,簡直係我飛佛既造型,但係我果時個ac係新手ac 柒到核爆,唔明點解佢都會走黎hi我,不過佢即刻送左套唔知咩裝比我(動漫節果d唔知咩卡抽番黎),成個人即刻冇咁柒,之後就成日同佢玩情侶模式(同時間perfect會有心心好過癮),又係game度傾下計咁,日子過得好快。
過左一個星期左右入左同一個團,所以我地一齊開左一個新ac改名,咁佢又送左一套兔女郎既裝同雞公頭比我,其實當年兔女郎e套裝要抽番黎,好似幾貴下..所以勁開心,玩果時又老公豬老婆豬咁叫真係有種sweet既感覺,過左冇耐我地仲係game入面結埋婚我地叫d同團既人同佢地d朋友黎觀禮,點知玩左試左2次我都唔夠perfect數(結婚要雙方都同時perfect好似要係一首歌時間入面夠15個心先可以結到婚,唯有叫其中一個團友幫手,佢叫小曼,之後佢話叫個朋友入黎觀禮,一入到黎我勁驚,小曼既朋友係我小學同學黎(升到中學都有keep住聯絡)。
 
網戀左差唔多成個月,佢終於忍唔住問我拎電話sms,其實我細個把聲成日都比人誤會係女仔,所以我覺得就算佢打黎應該都冇事掛…咁就比左手機佢,sms左幾日佢就打左過黎…第一次同佢傾電話果種感覺真係好odd…


當時大約情況係咁啦
呀濤:喂?係咪小愛呀
我:係呀…但唔好意思呀其實咁夜媽媽唔比我傾電話…對唔住呀
之後我就收左佢線,成塊面都紅晒,第一次同同學以外既人傾電話真係[bomb] ,佢把聲勁磁性:P ,再過多幾日之後傾電話既次數都慢慢增加,但傾既內容大多數都係佢問我做緊乜野呀,好悶呀之類,傾到咁上下佢試過約我出街食飯,但我用唔同理由推晒,之後佢就越黎越少搵我。
有一日,我on《勁_團》舊ac果時,見到佢舊ac on左,但情侶果欄同我解除左,我問佢咩事,咁佢話佢新ac同我係情侶就夠啦,咁我一查發現佢舊ac情侶有另外一個女仔好似叫小鬼定唔知乜q,之後我就情聖上身打電話比佢
我:分手啦,你已經唔愛我啦,你有第二個:-[ !
呀濤:….唔
我:如果我唔on舊ac睇你係咪諗住一世暪住我!!:-[ #fire#
我就收左佢線,再係game度black list佢,再買左支唔知離婚水咩乜q野離婚(要出點買,e次係我第一次浪費點數係個女角度),禁落去果係真係心都碎埋,之後我喊左好多日,應該算係初戀既分手所以咁刻骨銘心,後來我都有對住塊鏡反省點解我會為左個男仔咁入迷?唔通我係gay?之後我打左個冷震...唔會既![shocking]
果時咁岩隻倉鼠凍死左(凍到僵左:~( ),媽媽以為我因為隻倉鼠咁傷心,話買多隻比我…我話唔要呀,我淨係要果隻!之後佢都懶得理我…:o)
已有 0 人追稿