[gay]網絡情人: 第五章《艾＿之光篇》

自從發生左果件事之後我就冇再玩過《勁＿團》，而佢都冇再搵過我，後來發生左少少事，我就同左呀雞絕左交。
我之前其實呀雞有玩開《三小＿》e隻online game，咁因為隻game執笠，《艾＿之光》係佢既後續作品，咁係升中四果年既暑假我就開始玩《艾＿之光》。
一開始《艾＿之光》係得3隻人物比我選擇，而且每個人物都set死左職業，好鐘意玩法師既我就唯有用愛莎e隻女角，咁女角用男仔名好奇怪嫁嘛…咁順手就用埋個女仔名啦O:)！
其實我係一d唔係好鐘意打打殺殺既人黎，我玩game 通常都係鐘意同人傾計多，因為現實生活中唯一既朋友都冇埋，所以冇地方可以比我發洩。
我玩game另外一個樂趣就係享受虛榮感，所以我好熱衷做奸商，高買低賣炒裝。所以我玩好多game 都有上過財富榜（當然其實要起手都要好多成本，一開頭既付出都幾多下），e隻game 係我玩咁多隻online game以黎賺得最多真錢既game…咁做開買賣既我，又要儲客仔同搶生意自自然然識落唔少人，其中一個叫做情信郵＿(簡稱情信)，佢都係愛莎黎，一開我以為佢係女仔黎，個名實在…
我同佢識既原因係因為搶生意而識既，佢都係一個生意佬，見得多就認得佢，點知識落佢份人勁nice（佢一開頭應該以為我係女仔），對於新仔黎既我唔太清楚市價，好多時都要問佢…
玩左半年左右我都玩到風生水起，情信佢開左個公會吸納隻game入面既上流社會再壟斷個市場（其實佢從商真係好勁）咁我同佢既關係就更加Close；係公會入面我冇隱瞞我係身仔既身份，其實我仲玩得好放…成日扮gay，記得有一次佢唔得閒賣裝比個客，咁我代佢交收，果個客以為我係佢女朋友，自此之後佢就叫我老婆豬，我就叫佢老公豬。
記得果時第一次見面，我見到佢我呆左…真係勁靚仔，成個宥勝咁！佢約左我去megabox睇鬼片，我係果d勁怕睇鬼片既人黎，所以我睇戲全程捉(攬)實佢隻手，佢全程望住我係度傻笑，佢話我怕鬼果個樣好搞笑，我都唔知佢係黎睇戲定係睇我:[!不過其實果個感覺真係好sweet，個感覺就好似同人拍緊拖咁…