其實就算同佢一齊訓都應該唔會有事發生:P 因為我係一個真‧君子!(最多都係扮悶,同佢一齊訓地下,要佢陪我傾計)佢成日都話我訓果時會打鼻鼾,但我自己都唔覺… O:-) 算啦反正我都唔會嘈到自己:o)
 
差唔多到情人節,佢都差唔多要面臨A-Level,少左上黎我屋企hea,冇野做屎忽痕咁就緊係要搵d野黎做嫁啦,咁岩班上情人節氣氛濃厚,閨蜜們係e個時節都都冇仔,所以提議不如整d情人節朱古力交換食,係e個時候我忽然醒覺到自己差唔多要學習下點樣做一個「賢妻」,好啦我接受挑戰!
 
放左學我去左ju_co十蚊店買左一包黑朱古力同白古力,仲有買左個靚靚紙盒裝,再去無印買左一包士多啤利綿花糖,整個簡單又美味既朱古力士多啤利綿花糖拎邊交換(真係簡單[sosad]就咁用熱水座溶d朱古力,再用牙籤吉住舊綿花糖去浸,最後雪番凍佢就搞掂),「順邊」拎d去情信屋企睇下佢溫成點。
 
係第二日(情人節當日),我拎左十粒番學校比佢地做白老鼠(其實我自己有試食,真係好好食,食完冇肚痛O:-)),佢地唔駛幾秒就食晒雖然讚不絕口都幾開心,但到佢地拎出黎就話冇帶唔得閒整:~(
 
放學之後我特登番屋企拎雪格果d出黎,再去佢屋企(廢是溶左),點知上到去,伯母話佢出左街…死仔仲咁得閒去街,打比佢又唔聽,放低左d朱古力寫低左張字條講明d朱古力係同閨蜜交換果時整多左先比佢(好似有少少此地無銀)就歸家去。
 


其實番到屋企我有少少嬲,特登整比佢食,又特登番屋企拎過去,佢竟然唔係屋企,仲唔聽我電話!去邊度玩要唔聽電話呀…有咩緊要得過同我過情人節呀(開始有少少FF到走火入魔,唔知幾時開始已經當左自己係佢女朋友咁[sosad] :-()
 
夜晚佢終於打電話黎
情信: 仍難得這一個知己 從無拖手但有幸福滋味 倘若這時同伴的專利 讓每份好奇 願禮物儲起
 
[shocking]
已有 0 人追稿