第一局完左,我輕鬆拎左呢局
個外援比我超光速扣殺完到而家都未出得返聲
d觀眾都仲未靜完,應該未有咁快平復到心情



阿sir拎左支水比我 :「你一陣都係照咁打」

「嗯」
場場都係叫我照咁打,唔咁打點打


你帶隊既你不如唔好教我照咁打,你教我唔咁打可以點打


「咕」一聲,呢個想法連埋啖水比我吞左落肚

此時,女朋友從觀眾席單拖走左落黎搵我,好多師生都望住我地..
「食野先啦」佢係冷衫既手袖入邊拎出一個飯團

我唔理其他人目光,接過飯團咬左一啖 :「正!」





突然,我感覺到口腔有d野郁下郁下


仆街喇!咩黎架?!
我好想吐出黎睇清楚我食緊d咩呀!!
但係女朋友面前吐出黎會好傷佢心..

我嘗試用條脷感覺下我食緊d咩



滑滑地

郁得好快

性格鬼鬼鼠鼠

有條尾

唔通係魚生?!好在我間中都有食過下魚生
咁而家唯有當成條魚生咁食啦
盡量唔可以落女朋友面既,話晒成棚人望住...

正當我準備狠狠吞下呢啖飯團




咦!!點解條尾而家係我左邊口,個身會係我右邊口既??!
唔通我唔覺意咬斷左佢條尾?


屌!!我感覺到條尾彈緊去我喉嚨呀...


做咩呀?捲住我喉嚨粒吊鐘做咩呀!!
幫我扣喉呀?!

唔得呀!!唔可以係學界賽嘔,好多人望住架!!!
更加唔可以比佢地誤會我難食到嘔!!




呀,今朝d燒賣升緊上黎..

呀,魚蛋隨後趕到..


呀,尋晚塊雞扒呀!!!



「嘔!!!!!!!!!!!!!!!!!!!!!!!」