往事如煙,間中諗返轉頭,總係想重演一次
一回神,地上既四腳蛇仲未走
算,最多落街買塊新拍,我要打波!!


大門旁既鞋櫃頂,擺左一個深藍色眼鏡盒
而大門之上,係一篇書法
咁多年黎,我出門前總會望一望門後既書法




「眼鏡的出現 ,清晰的畫面
不帶一秒,你馬上絆到了
啊!! 眼鏡多可愛,為你擋下插眼的意外,讓你參與遊戲和比賽
請尊重所有眼鏡」


一落街,我見到平時無咩人既羽毛球場上有一班阿婆係度掟波
佢地仲排晒陣,一堆企左一堆企右,已一部份企係底線之外
玩咩呢?似玩閃避球喎




「呀!」一個瘦小既阿婆被擊中
然後慢慢行左去底線之外
我肯定佢地係玩緊閃避球


此時,我見到一個好奪目既阿婆執起左個波
頭髮白得黎秀,灰得黎亮麗,身材均稱,著住套好有生氣既阿婆套裝
我從未見過一個阿婆咁有氣質,咁有活力




只見呢個阿婆一步,兩步,跳起
唔係呀話,佢背脊好似有對翼咁,跳得好高呀!
我成世人都徙未未見過有阿婆可以跳到呢個高度
佢掟喇! 佢掟出一記飛快既攻擊


「砰」
「啊!!」佢對家既一位阿婆中正呢球




粒波碌下碌下碌左去我腳邊




「唔該吖」全場阿婆向我招手