落街打羽毛球慘被活力阿婆扣殺，心情好低落: 9

我望住店內新款既羽毛球拍，好多都係靚野黎，得幾塊一睇就知唔洗買
等我揀返塊拎上手試下先

「好輕手」我揮拍

阿婆見我揮得咁爽就拎左我塊拍上手慢慢觀察，然後遞返塊拍比我
「你睇下，花左」

我 :「唔緊要啦，無咩影響」



阿婆 :「你咁急買既?唔揀下先?」
我 :「我今日一定要打波」

阿婆拎出銀包 :「呢塊咁貴你記唔記得帶錢呀?」

我呆一呆，估唔到佢會打算借錢比我
我拎出銀包一睇 :「夠錢買拍..」


係，我d錢只夠買一塊拍


所以買左球拍就買唔到波比佢地打
到時金牙阿婆又會篤鳩我..


此時，阿婆拎左一粒波搶先去比錢

我見狀叫停佢 :「唔好，我話左賠返比你地」





我放低左手上既貴拍，拎左支笨重到仆街既垃圾拍跑上前


此時，阿婆已經拎住粒波面帶微笑 :「我買左喇」




我問道 :「保齡球?」