落街打羽毛球慘被活力阿婆扣殺，心情好低落: 16

「5號!」一個阿婆大叫一聲之後將粒保齡球拋起，然後一個快步跑走左
其他阿婆都跟住四散，場面極混亂
而粒波跟本無拋起過，好快「砰」一聲巨響跌左落地


混亂當中，唯獨有一個阿婆向住粒波既方向前進
佢執起左粒波


「停!」佢大喊一聲


然後所有阿婆都停止左跑動，有幾個停唔定既仲仆左街
但佢地仲係笑笑口，呢刻邊個有牙邊個無牙邊個金牙邊個銀牙真係睇得一清二楚

係喎，頭先都無留意到..
我向奪目阿婆既面容一望，佢笑得好有活力好燦爛

Yes!佢有牙!


同時，持球既阿婆向住奪目阿婆方向前進



「一步，兩步，我掉!」


掉?

掉就掉唔到喇，佢碌左粒波去奪目阿婆度


奪目阿婆一個跳起，輕鬆避過




我微笑左
成班阿婆竟然有活力到係度玩數字球，又玩得有板有眼


「你地係度做咩呀?」
突然 ，一把女人聲大喝



一個屋村女保安行左過黎，執起左粒保齡球
「你地知唔知呢度係打羽毛球架?」




金牙阿婆笑笑口:「我去接孫喇」
無牙阿婆 :「返去睇電視先」
阿婆 :「走喇，聽日飲茶」
阿婆 :「好，拜拜」
阿婆 :「乜乜乜乜」「乜乜乜乜乜」 「乜乜乜乜乜乜」

最後d阿婆唔知講左乜鳩之後就走晒，得返奪目阿婆無走
女保安比返粒保齡球奪目阿婆 : 「下次唔好喇」


我地目送住女保安走返入大廈
羽毛球就未打到喇，而家成個場得返我同奪目阿婆，做咩好呢