「我果日放學要考綜合試,未必趕得切..」

「哦..」

本來以為打完個電話,四眼妹一應承我就好快搞掂..
點知通知完四眼妹反而令我我更困惑...
我唔知個綜合試係四眼妹心中,係阻左自己黎睇我定幫左自己唔黎睇我...
雖然我主要係想對自己有個交待,但我同樣想四眼妹在場....
屌..我得唔到一個肯定既答覆




通話之後果日要返學,我放小息,行行下撞到帶隊阿sir
我毫不猶豫咁走左上前 :「阿sir,下星期二放學我有比賽,你有無時間..」

阿sir先係諗左一陣..


然後,展示出驚喜既笑容 :「無問題,得!」




太好!多謝你!阿sir!

雖然阿sir黎到都唔會有d咩戰術打法教到我
但係,佢當日係禮堂講既野的確教曉左我波應該點打,呢d野唔係個個可以講得咁感動


呢d野...

你試下配曾志偉把聲,只會有迪士尼氣氛..
配鄭子誠把聲,恐怖羽毛球...


配森美把聲...



架勢堂!


所以,呢d野就係專比d好似阿sir咁把聲平平無奇,輸慣波都仲敢帶隊既傻勁老師講


而家,球場book左,對手應承左,阿sir應承左,差你咋..
四眼妹...





一張開眼睛,四圍既環境都矇矇地
今次,我自己醒返,阿婆仲未返


點都好,對左個阿婆半日,我唔識解釋
總之我信得過呢個阿婆,佢一定會令我場波打得成