落街打羽毛球慘被活力阿婆扣殺，心情好低落: 28

阿婆先做左一陣熱身運動，果然有運動常識
唔怪得咁既年紀都仲咁有活力

我睇住佢扭下扭下
郁下手腳，跑下跳下跑下跳下拉下筋

好快，佢準備好晒
「得未呀?」




「等等」我踎低綁一綁鞋帶


「得未呀?!」

「等等，好快!!」我解左條鞋帶再綁多次


「得未呀喂?!」






哎呀仆你個街!!!等下會死咩....


我四圍望，望晒全場..
點解四眼妹仲未黎架，個綜合試唔係測咁耐呀話..
我望一望球場個大鐘，已經六點五
其實又唔怪得個黑人係咁催我既...


五點拎左個場，而家佢熱身都熱左成個幾鐘..


此時，阿sir上前同我講 :「要開波架喇」


既然係咁...

都無辦法，唯有集中精神打波
希望四眼妹會黎..


「開波啦!」我拎起球拍，擺出開波姿勢

同時，黑人青年都擺好姿勢望住我，而且展現左強者應有既笑容





個笑容大約介乎於李小龍同甄子丹之間