估唔到我會先失第一球..
我再望勻全場,四眼妹仲未黎....

唔可以咁快泄氣
我要冷靜d分析,再比黑人控制晒個節奏就唔掂檔..


「挑」
黑人依然用挑近挑遠,令我疲於奔命既戰術



好!你挑前挑後我就挑左挑右

「挑」
我挑左粒波去左邊前場

只見黑人好敏捷咁打到呢球

幾好身手吖!岩岩玩我玩得咁開心..
而家等我試下你反應係咪真係咁快



我集中精神一擊,預期落點係右邊後場


呢球就算比佢捉到路,但落點咁刁轉都幾難救
你估我剩係識扣殺咩..


佢飛到盡一救,成功將落波打返過黎
而且係咁緊急既情況之下,粒波只係打高左少少..佢果然係強手!




唔理咁多,就算只係高左少少,我認為扣殺既機會就係眼前
我上前一個騰空跳起,準備一野扣返粒波落佢左邊前場


「呀!」
跳到一半,小腿一痛


同時,我見到黑人極速起返身跑左去我想打既落點
佢竟然可以敏捷成咁!

等我陰返你先

半空之中,我改變主意


唔好諗住學我,無返咁上下騰空力都唔會做到跳到一半改變主意呢樣野


「拍」
我一野將粒波打多次去佢右邊後場


跌落地前既一刻,我見到佢絕望既眼神表示
「他朝君體也相同!」



落地既一刻,我小腿細細聲同我講
「老抽....老抽......」