突然,個師奶起身大大力捉住我件衫
「咩對唔住呀!!!你照下你個樣先啦!!!你對我個女做左d咩呀!!」

女學生驚到落淚 :「媽!我唔識佢架...」

而家全場人都望實我地..

「太太,你打我啦」我鼓勵佢

打我都好既...


係我對唔住自己先..又無好好保護四眼妹
我嘔晒佢d食物,又打爆埋佢眼鏡

我對唔住全世界所有帶眼鏡既人...



「正仆街黎!」
佢鬧我既同時,已經將手臂拉後,應該準備一巴打鳩我..



我緊閉雙眼,靜候呢一巴


無錯,佢郁手喇
我感覺到掌風


!!!咩事!!!

掌風一過時


我感覺到自己比一隻手拉後左



我張開雙眼,只見師奶呢一巴打左空氣



「唔好意思,唔好意思..誤會黎..」一把溫柔,而且熟悉既聲音

係今日個阿婆


我就係咁比個阿婆急步拉左出餐廳,全餐廳既人都呆左無追出黎
唔知咩事..我只係知今日,佢照顧左我成日


我隻手比佢捉住時,好有安全感