落街打羽毛球慘被活力阿婆扣殺，心情好低落: 44

十點十，我同佢都準備好訓覺
佢除左副眼鏡，放返入個深藍色眼鏡盒度
之後拉開一格放滿眼鏡盒既小櫃桶

小櫃桶入面既眼鏡
每一副都係我買，近視深左又買，防太陽光又買，省光深左又買.
每一副佢都保存得好好


佢望兩望個眼鏡盒之後就擺左落去櫃桶度，跟手熄燈


然後，訓係我寢邊


我唔係成日記得起..
但我肯定，我同佢訓左係呢張床最少幾十年


此刻，我望向窗外既月光




我話比月光知 :「我唔洗寶盒喇」



月光向我報以微笑



「呀!」我受驚





無啦啦比我見到窗邊有個黑影好快咁爬過
之後仲爬左去隻窗度


「喂喂，睇下」我叫四眼妹擰過黎睇

佢即刻轉身望向我果邊 :「睇咩呀?」

佢擰左過黎之後，我無再理個黑影
專心咁望實四眼妹


「你估下隻窗果個黑影係咩黎?」





我見到佢伸前左個頭，咪起左雙眼
呢一刻，月光映照出佢最靚既輪廓