第二章 校花 用手中的流沙畫一個你呀 曾說過的永遠我們一定不會差
  其實我地個級系公認最多令女令仔個級,每一班都總有好幾個特別『殺食』既人,不論系男定女,我地一級有四班,A班男班長趙童韋運動勁又高大,A班王珊緹生得白雪雪,怕醜性格吸引到唔少毒男,而我就系B班,我地班既班花就系我好frd既音音,其實音音真系幾令,又可愛性格又開朗,年終追佢既男仔其實認真都唔少,數數下今年頭半年保守估計都有八個,不過最終都比佢拒絕曬,C班一對孖仔,一對孖妹,陳子浩,陳子鵬,許善嬅同許善泳,孖仔妹兩pair人一模一樣樣,一開始識佢地都分唔出邊個打邊個,孖仔幾令仔把口又勁,好多女都比佢地冧到墮入愛河,孖妹都生得好唔錯,又好識爹男仔,d男仔比佢地電到暈陀陀,佢地兩pair人系同一班真系絕配
    D班都有幾個幾令仔既男仔,但係每次一講到佢個班,佢地d名都無出現,原因只要一個,因為一講d班,所有人既主意力都會佢曬『佢』到,沒錯就系佢,一路而黎講緊個『佢』都系佢,『佢』亦系另我想翻學既原因
    由中一一入學已經系校花既『佢』,佢入學個陣,好多師姐都好驚,點解?因為好驚佢地既男朋友會比呢個新入學既小師妹搶走,唔係講笑,『佢』絕對有甘既能力,佢既笑容有可以令世界上所有既男性屈服既能力,除左性傾向有問題個d除外,初中個陣系中國歷史堂聽過有個故仔叫做『一笑傾國』,個陣我仲記得我爆左句低能出黎,宜家有d後悔想收翻
    『佢』就系葉恩希,一個系小學無人不知無人不曉既名,其實本來以音音既美貌,佢絕對有能力擔任級花,奈何佢系我地個級都出現,完全系將所有既女仔比下去,完全表現出乜野叫『鶴立雞群』,基本所有男仔眼中,如果系佢地面前有一百個令女企系佢地面前,其中一個系佢的話,另外九十九個突然會擁有變透明既能力,你可能話我講緊笑,不過如果你見到佢的話,我相信你一點會改變你既諗法
    佢唔係特別高,不過佢有一個堪稱完美既樣貌同身材,佢之所以比稱為校花同女神絕唔係浪得虛名,無論系佢既正面側面定系背型都系甘吸引人,一個擁有S字型身材既女仔,基本上可以去做top model如果佢再高d的話,佢第一年出現系呢間學校個陣已經系甘,可能好早發育,中一一入黎,好多身材好突出既師姐都自愧不如,總之佢就係個種方方面都好完美既人,除左樣身材之外,性格更加系無可挑剔
    曾經有人同我講過,上天創造呢個世界既時候好公平,就算對女仔亦都系好公平,有樣就無身材,有身材就無樣,我諗諗下又好似系,不過『佢』完全違系反左自然既定律
    佢眼大大,皮膚白白,翻學個陣扎一條馬尾去到背隻,再加一個可愛既齊陰,完美既身段,加埋擁有黃金既比例,佢就好似夢一般既人物,平時佢都會帶住副全框眼鏡,甘都好d,佢除左之後隻眼會有放電既效果,兩隻大眼一眨一眨,有可愛又令女
    我認為佢系邊一間學校到讀,佢都絕對會成為校花,佢就係一個甘樣既人,網上流傳話『全智賢十年前征服地球上所有既男性 十年後佢連外星人(金秀賢)都可以征服』,我認為呢句野換做『佢』個名上去之後,效果會更好,更加顯著
已有 0 人追稿