抉擇: 第四章 遇見

第四章 遇見 我遇見誰 會有怎樣的對白 我等的人 他在多遠的未來
  自從個次Disneyland之後，我地都未曾試過在單獨傾計單獨去玩，成個暑假兩個月溜溜長，姐系我有62日，1488個鐘頭，89280分鐘，5356800秒，係呢五百幾萬秒裡面，我無一秒系唔掛住佢，我每一分每一秒都想見到佢
    今日系開學，唔知點解我仲有個預感會見到佢，放lunch個陣之後我照就同俊同埋音音去食野
    俊『第一日 食咩野？』
    我同音音對望一眼，無出到聲繼續行，越行越快
    俊『喂喂 你兩個等埋我啊 你兩個分開行我跟邊個啊？』
    系俊係到猶豫既時候我同音音系分叉路口分開左行，我行左左面，佢行左右面，一分開左我行既速度其實同跑唔乜野分別，俊簡左跟我
    俊『生 你兩個做乜野分開行既 我地唔係一起去食晏咩』
    最後我系一間日本拉麵店到停低左，五秒之後音音系前面轉角位到行左出來
    音『唔公平 你快過我只系因為你腳長過我姐嘛 哼』


    『明明就系我個條路快d』
    我地為左呢個問題討論過好多次，不過邊條快d都無所謂啦，呢個就係我所講既默契，一句野都唔講就知要黎呢到，其實我知音音行個條路短d，不過我中意話我個條路快d
    我地去到羅左飛，要等兩張檯，呢個時候有一檯人入左去，之後我有望下側面，無人wor，我諗下張檯既人可能唔再等，我心諗唔好翻黎啊，甘我可以快d食完野翻去嘛
    我地系382，呢個時候個店員叫左一聲381，第二聲381，系準備叫第三聲既時候，突然我後面有一把聲
    『系到 系到』
    突然我後悔左，我點解會諗埋d甘既野，想上一張檯既人唔好黎，我想佢唔好黎，但佢就系我最想見到既人，會唔會有d矛盾，呢個叫系到既人就系我日思夜想既葉恩希，我見到佢好開心，之後我同佢講左say hi，佢地hi翻我，之後佢就同佢三個frd入左去，唔知系米個天都想幫我，我地入去個陣好好彩可以座佢隔離，雖然我地食晏既時間得一個鐘，計埋行過去行翻去同等位，真正食飯既時間可能得翻半個鐘，但系我呢半個鐘比起我系暑期hea個兩個月更加開心，放假雖然開心但系點都唔夠食lunch個陣開心，今次啊俊好醒目好識做
    『不如都甘近羅 不如直程將兩張檯拍埋啦』
    我到佢既距離愈來愈近，之後我地兩group人好好傾，俊盡量撩其餘個三個女仔等我有機會可以同佢傾計
    『Hi』
    希『Hi』


    『系呢 你暑假點啊 有無乜野特別野甘啊？』
    希『其實都無乜野特別 又系去左Disneyland到玩 同埋有時去下老人院做下義工甘 你呢 有無乜野特別啊？』
    唔單只人令性格好，連心底都甘好，真系邊個同到佢一齊就肯定系前世做左好多好多好事定
    『我無啊 成個暑假 搵左份暑期工做下 叫做系賺左d零用錢甘 其實我一路都有個問題想問你架』
    希『系乜野啊？』
    『我想問你有無男朋友？』
    其實一問出口已經有d後悔，我見到佢塊面紅左一紅，可能因為佢好白既關係所以特別易紅啦
    希『點解甘問既?』
    『無啊 我突然諗到所以問羅 其實你唔勢答既 咦 原來甘遲架啦 我地翻去先啦 音音 俊 我地埋單走羅 byebye 第日再傾』