抉擇: 第六章 主動

第六章 主動
  其實宜家都已經中六，可以同佢一齊翻學一齊食lunch既時候得翻唔夠半年既時間，我覺得如果我連試都唔試的話，呢個將會系我中學生涯既一大遺憾，正所謂人一世物一世有d野點都要試下既
    今日其實系911，911系乜野日子我諗其實大家都知道，系呢d日子大家其實心情都唔好，諗翻起以前發生既野，不過我決定左系今日要主動d，一早起身六點幾我就WhatsApp佢
    『早晨啊』
    佢個last seen系十分鐘前，姐系其實佢呢個時候應該系起左身，果然幾分鐘後佢就覆左我
    希『早晨啊 你甘早既？』
    『系啊 其實平時都差唔多時間 今日都系早左少少姐』
    其實我所講既少少系差唔多成個鐘，因為太緊張既關係，我尋晚都唔係點訓得著，所以基本成晚都系醒下訓下甘
    希『系呢 一朝早搵我做乜野啊？』
    『無啊 今日音音佢有早會表演 要早d翻去準備 之後俊佢今日有學界兵乓球比賽 又要一早去比賽 甘無人陪我翻學 想問下你賞唔賞面同我翻學姐嘛？』


    其實呢個唔係藉口，音音真係要早會表演，而俊又真系有學界兵乓球比賽，不過唔係甘早姐，系晏就先開始，所以佢朝早其實都會翻學，不過我同佢講今日我會早d翻學
    希『喔 原來無人陪 怕寂寞所以先搵我 甘我米姐系你個後備羅』
    『唔系啊 其實我一早都已經想約你翻學架啦』
    希『一早？』
    死，講錯野tim
    『我意思系一朝早 朝早起身 未系好訓得醒 打少左隻字』
    希『好啦 見你甘慘無人陪你翻學 就陪下你啦 不過我要同我d frd講聲先 幾點系邊到等啊甘』
    『甘七點九系』
『um你住邊架？』
    希『我住系觀塘附近』


    『甘七點九系觀塘站等啦』
    其實我地學校系油麻地，而我住系彩虹，不過無理由要個女仔就我姐，雖然系地理上面應該我系彩虹等佢，然後佢join我之後一齊翻學，甘作為男仔既我，當然系要做一個大方得體既gentleman，好彩佢未知我住邊姐，如果唔係佢肯定會話唔好黎觀塘，我地彩虹等啦
    望一望屋企客廳電視上面個個掛系牆上個個鐘，宜家六點九，距離我約既時間仲有大約一個鐘既時間，時間其實都幾充裕，我屋企又近地鐵站，彩虹同觀塘都系隔住個九龍灣同牛頭角，上左車去到觀塘十分鐘都唔使，不過我唔想d時間預到甘緊湊
    『一個好既男朋友 永遠唔會要佢既女朋友等 永遠只有佢等女朋友』
    雖然我唔係佢男朋友，不過成為佢男朋友將會系我今年既生日願望，所以我宜家要未雨綢繆準備定習慣定
    果然我去到觀塘站既時候連七點四都未到，足足早左差唔多半個鐘，但系好奇怪地過左五分鐘之後佢就出現左，仲要系好急步個隻，一黎彈左一句出黎更加系另我驚訝
    希『對唔住啊 我遲到 因為mammy整左早餐 我掛住食 唔記得左出門口時間』
    『其實呢 我約你七點九 你早左差唔多成四個『字』』
    希『下 系咩 原來系七點九 我仲以為系七點三tim 搞錯曬』
    『行啦 傻傻地個個』


    其實我系心裡面笑左出黎，佢蠢得好可愛，其實呢個系我既壞習慣，唔知點解通常d女仔做左d好蠢既野，我都會覺得佢地好可愛，所以其實到宜家我見過最可愛既女仔系音音，佢成日講埋d我同俊都唔明既野