第十七章 那些年曾經想征服全世界 到最後回首才發現 這世界滴滴點點全部都是妳
  結果,我地搞搞下仲差d遲埋到添,不過唔可以忘記既就系埋爆谷,好彩條隊唔長姐
    職員『先生小姐 請問想叫d乜野食呢?』
    本來音音話買兩個中套餐,不過見到掛系上面既餐牌我決定改變主意
    『唔該要一個情侶套餐啊』
    職員『多謝你45蚊啊』
    我地拎住d爆谷同汽水一齊過左撕飛個到,音音同我講
    音『做乜野買情侶套餐 唔係講好左買兩個鐘套餐架咩 何況我同你都唔係…』
    佢越講越細聲,我根本就聽唔到佢講乜野,不過大概都估到佢想講既野,其實情侶套餐有一個中爆谷同兩杯中汽水,認真我自己一個都食得曬,不過同女仔去睇戲一定買情侶套餐啦,順帶一提,識食一定系食焦糖味爆谷
    一入到3號院,座低左無幾耐之後,周圍既燈光開始變暗,片場110分鐘既那些年終於開始,內容系點我都唔點介紹啦,大家有興趣可以去睇下,系一套幾唔錯既愛情片,裡面有好多好精彩既金句


    『青春是一場大雨 即使感冒了 還盼望回頭再淋它一次』
    『我想成為一個很厲害的人 因為有了我 讓這個世界 而有一點點的不一樣 而我的世界 不過就是你的心』
    『妳相信有平空時空嗎 也許在另外一個平行時空裡 我們是一起的』
    其實我我憑著銀幕上個少少既微光,隱隱約約已經見到佢眼濕濕,當聽到平行時空個句d眼淚已經『朗下朗下』,不過佢都系忍住左,不過當佢聽到呢句個陣佢就忍唔住喊左出來
    『拜託不要現在告訴我 請讓我繼續喜歡你』
    我諗可能佢將自己代入左戲中演員,個種暗戀既辛苦,五年,一個一d都唔短既時間,最怕就係比佢知道然後當口拒絕
    『我個膊頭系到 如果你唔介意既話 可以…』
    我都未講完可以借比你挨下既,佢就已經攬住我上臂挨左落黎系甘喊啊喊啊,好似唔會有停既一刻,其實佢喊得都幾大聲,好彩成個戲院唔係得佢一個女仔,同時間有幾個女仔喊甘,因為系甘樣個場面先無甘尷尬,片場110分鐘既戲都會有完既一刻,最後我地系那些年主題曲既伴奏之下準備離開,我起身個一下佢捉住我隻手
    音『座低聽埋先 得唔得啊』
    佢講個陣仲系眼濕濕,點忍心話唔得呢


    『梗系得啦』
    之後我就座翻系我個位到,觀眾慢慢離開,最後得翻我同佢座系到,有個職員企左系出口到,我諗佢要等所有人走曬佢先可以走得,突然覺得唔係幾好意思,但係叫我吹佢快d走更加系無可能做得出
    『那些年 錯過的大雨 那些年 錯過的愛情 好想擁抱妳 擁抱錯過的勇氣 曾經想征服全世界 到最後回首才發現 這世界滴滴點點全部都是妳 那些年 錯過的大雨 那些年 錯過的愛情 好想告訴妳 告訴妳我沒有忘記 那天晚上滿天星星 平空時空的約定 再一次相遇我會緊緊抱著你 緊緊抱著你』
    佢一路聽就一路眼濕濕,最後我陪住流著眼淚的她離開了荷里活戲院
已有 0 人追稿