愛情捉迷藏: #3 緣分?

#3“哇搵死我。”
“下M記都搵死你?”
無錯。
我地成大班人約左系M記
你問點解?
因為唔需要太靜
可以放任地傾計
再加上學生哥每個都負擔得起
所以咪揀M記囉
“唉琴日又唔等我打”




我打開話題
“乜野呀乜你唔系得angel咋咩”
雖然唔識佢
但我當時好肯定可以話比你知佢系水果妹
呢種咁既性格
就算隔住熒幕都認得出
“呀水果妹,我識左你地一個星期都唔到咋啵”
“系咩…?你D 男仔唔系好中意一堆堆圍起女神架咩?”
“嗯…咁我又未去到咁犀利”
“咁姐系你打算做D無咁犀利架喇”




“咁男仔見到女仔第一印象系外表喇
話時話我都未見過佢我點跟住圍起佢?”
“話你on9真係侮辱左on9呢個字”
“哇宜家D人無啦啦就鬧人”
“其實呢,你對面個個呢?”
“你系天使妹妹?咪玩我喇你”
“系我隔離個個呀。乜加陣好大差別咩?”
我無理佢
望向佢隔離
原來一直系度聽緊我地講野!




“真係唔好意思,無留意到你。哈哈”
“哦無所謂,存在感低姐”
個陣我就覺得對面個組合好得意
一個超熱血超主動既女仔
同一個存在感低又冷漠既女仔系朋友
究竟佢地兩個點識?
不過第一次見面就問呢D好似唔系咁好
所以個問題比我吞左落肚
繼續同佢地無聊地吹下水
反正中二既星期日就係咁無聊。
利申一句先
我唔知佢地係咪系學校比人封女神
但係我覺得兩位都真係幾靚既…
手機系檯面震緊。
鈴聲響起。




根據我推測應該系韓文歌
然後水果妹攞起電話
講左幾句。
期間我去左買個雪糕
跟住去同會長傾計
咩點樣令公會變到更強大
點去同人挑機既毒野之類。
咁中二系有少少中二病架喇。
跟住返到黎繼續同水果妹佢地吹水。
天南地北 傾下幾多歲
系邊度讀書
個陣仲未分科所以唔洗問讀咩
因為大家都係讀個堆科目
就問下強項係咩喇。
水果妹話體育




天使妹妹就話系中國文學
基本上無咩落差
正當我打算嘲笑下佢地強項同性格差唔多既同時
有人係我後面講野
“咦你地系度搵左好耐呀”
“係咩?坐喇”
“我去攞杯水先”
“佢系?”
我問水果妹。
“我個同學呀 我想問佢借功課抄”
“唉宜家D人真係好差…”
“收喇你。”
我回頭望向個位少女
草帽白色連衣裙
女神大人去M記野餐?




我無理到佢繼續同水果妹吹水
唔搵天使妹妹傾計
係因為我覺得天使妹妹中意聽多過講
傾下傾下
突然就靜左落黎
然後水果妹系到爆笑
連天使妹妹都捂嘴系度偷笑
只剩下一個無言的我
還有那個她。
“對唔住呀對唔住呀我無心架”
點解那個她要咁講?
因為我比人淋到濕嗮。
 
“有些事
你會覺得不幸。




但你要知道
幸運
也可建立在不幸上。”