米米蓮妖怪作品 -《旅行‧如此‧難以忘‧記 》(百集長篇): 第107集 ~ 明︰我都係自己打啊！不過打到跌咗落…
第107集 ~ 明︰我都係自己打啊！不過打到跌咗落…
阿輝就好啦，配住兩個高手，仲要打得咁開心…
(開心得過你哋，你同阿狗都有女雙伴，我呢？欣欣唔喺我身邊啊！)
你雖然講得啱，我係有小倩陪住我，但係…
而家睇住自己朋友，「沙婆婆」佢變成人唔似人，鬼唔似鬼咁…
我身為男人，眼淚總算可以強忍，但係小倩佢係女仔，水造家嘛…
佢一見到「沙婆婆」咁樣，即刻就喊咗出嚟…
「沙…沙…你…你竟然將沙婆婆變成咁？」
傷害我朋友，攪喊我女友，我真係火上心頭，我決定將呢隻「呼子」打到趴街！
「家明，我會用沙婆婆教我嘅封印術將佢封印住，你就幫沙婆婆報仇啦！」
小倩講完就即刻結好手印…
「心靈封鎖！」
「螳螂沙婆婆」當堂停咗，而小倩都係一樣…
似乎只要小倩繼續定格，「螳螂沙婆婆」就唔可以進行任何活動。而我…
合埋雙眼，將怒火凝聚…
「翻雲，覆雨，飛天，循地，爆烈…」
運合埋我嘅「青蛙青蛙跳神功」，將體內所有力量都谷晒出嚟…
而家，我真係火很滾啊！
「哈哈哈，你哋以為封咗我隻寵物，谷到紅晒就夠我打喇咩？」
「呼子」用到「寵物」二字嚟形容沙婆婆，我已經忍唔住喇！
「爆烈神拳！」我一拳打咗埋去。
「幽冥鬼風！」
呢D邪風阻咗我嘅衝勢，唔通我真係連傷到佢嘅力量都冇？
我就係咁一直死衝，但係就一直俾佢D「鬼風」阻擋。
我眼尾見到「喪狗」同阿妮亦都想嚟幫我拖，但係就俾「千年石妖」出手阻住…
而家呢度分成四個戰場，「毒藤女妖」仲爪緊「洋腸」個殼…
小倩封印住「螳螂沙婆婆」，「喪狗」情侶就對緊「千年石妖」，而我…
就仲死衝緊…
「我…可唔可以有D咩幫到手啊？」「鐵拳」竟然出口咁問。
「你衝埋去幫我打死佢丫！」我發悔氣大嗌。
「我…我…」當然，「鐵拳」邊敢丫，根本就唔會敢去做。
我哋一打唔到佢，佢隻死人「呼子」又惡喇…
「木屑針刺！」
D木刺隨住強風吹埋嚟，真係攞得人命，我唯有…
隨手執起「洋腸」嚟擋…
「丫~！ 丫~！ 丫呵~！」
叫得咁銷魂，當然唔係「洋腸」啦，係黐住咗「洋腸」嘅「毒藤女妖」叫…
佢背脊中晒「木屑針刺」。
「淫娃蕩婦！光天化日挑逗我嘅男人？！」
小倩聽到「女妖」嘅淫叫，佢就連封印都唔理住…
衝咗埋嚟一腳就伸咗「女妖」落深淵…
呢一吓，大家都呆咗半秒，但係總算攪掂一個壞人。
之後，小倩慢慢行返埋去繼續封印「螳螂沙婆婆」。
「呼子」就冷靜落嚟，再次使出佢嘅「幽冥鬼風」同「木屑針刺」…
好在，「洋腸」嘅龜殼頂得住，但係我始終打唔到「呼子」…
形勢就係咁一直僵持住。
「喪狗」佢哋嗰邊似乎亦已經開始大戰，電﹑光﹑火﹑石，四樣嘢都出現晒…
嗰邊似乎好很激烈，但係…
到呢刻我先發現，「喪狗」佢根本只係得七條尾，唔夠九條尾…
佢會唔會未夠火候同「千年石妖」打呢？
「狐焰！」
「火狐亂舞！」
「哈哈哈，你哋根本未夠火候，D火燒我根本唔痛！」
「千年石妖」咁講亦都印證咗我所懷疑係冇錯嘅…
「我有「千年石化真身」！你哋打破唔到我嘅外殼，根本傷唔到我…」
雖然表面睇落去，「千年石妖」只係人一個…
但係我眼見「喪狗」佢哋D火又真係燒佢唔入…
「你哋傷唔到我，咁就到我出手喇喎，魔錐縱橫！」
一條條唔知喺邊出嚟嘅尖銳石柱穿來插去，俾佢打中，真係想唔死都難…
「土靈壁壘！」
(插 ~！趴 ~！)
就連「土靈壁壘」都頂唔住石柱嘅衝擊！
「咪掛住睇人啦，呼子又出招喇！」「洋腸」大嗌。
「木屑針刺！」
「車，咪又係呢招，你個龜殼頂住先啦！」
「哇~！丫~！」但係…
個「呼子」竟然唔係想傷我，佢竟然奸到傷害無辜…
呢一刻，我又再次呆咗，因為…
「鐵拳」俾佢嘅針刺…刺到成個蜜蜂竇咁，仲釘住咗喺牆度…
先有「沙婆婆」被害，後有小倩流眼淚，而家仲有「鐵拳」…
被…被殺害…我真係…我真係…
爆裂神拳嘅力量已經喺我個拳頭到谷到要爆炸喇！
「天，馬，行，空！」我憤怒到要大嗌出嚟發洩一吓…
我用拋物線插躍式咁跳埋去，務求嘅…就係要令「幽冥鬼風」嘅風阻減到最低…
力量嘅爆發逼使到我已經再控制唔到我自己嘅右手…
力量就好似係上天賜俾我嘅咁，我要最少…最少迅間打出一百拳…
我要打爆呢隻乞人憎嘅「呼子」！唔好意思都要出嫁喇！
「天，馬，流，星，拳！」
「嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭 嘭嘭嘭嘭嘭~！」
「嗄~ 嗄~ 嗄~」我打完晒之後嘅呼吸聲。
(趴 ~)俾我打中晒一百拳嘅「呼子」，佢終於…
終於俾我打到訓咗喺地，死咗…
「家明！沙婆婆佢冇事喇！」小倩嗌。
我已經軟弱冇力，「沙婆婆」佢冇事就好…
而我就想慢慢行去睇睇「鐵拳」，點知…
「死…我都要你哋陪…」
「呼子」原來仲未死得晒，佢仲…
「幽冥…鬼風…呼~」
「丫~！」
我成個人就咁俾佢吹咗出去…
「家明！」
小倩緊張到飛衝埋嚟攪住我，我哋就係咁一齊俾D風吹到跌咗落深淵…
「阿狗，靠，晒，你，喇！」當時我腦海仲掛住戰場裡面…
我同小倩就係咁，一直跌落深淵，但係…
唔知點解，越墮落越快樂…
我意思係我同小倩跌得越深，四周嘅環境反而變得越光亮，越美好咁…
………
「哎吔！」
「小倩你冇事丫嘛？」
「呢度邊度嚟嫁？」
我同小倩跌咗落一個…
人間仙境？點解呢度咁靚嘅？
天空之上只見到一個「丫」字附近有一團黑雲包住…
我估個「丫」字就係「異域魔城」，但係呢度陽光燦爛，旁邊有條小河…
河水清澈閃亮，四周圍都係青翠嘅樹木，仲有蝴蝶同兔仔飛來走去…
個場境咁夢幻嘅？夢遊仙境呀？唔通我死咗，而家喺天堂？但係…
「咦，細路仔，細路女，你哋嚟呢度做乜啊？」
我另轉頭一望，見到一個雙眼合埋嘅男人，佢腰間有把長刀。
佢唔似係衰人，所以我就同佢講︰—
「先生，你好，我叫阿明，呢個女仔係我女朋友，佢叫小倩。請問你係？」
「盲俠展昭！」
「盲俠？展昭？乜展昭唔係南俠咩？」
「江湖中人見我成日合埋眼，所以都叫我做「盲俠」，我全名叫牛展昭！」
我無言咗三秒…
「老公，你同邊個傾緊計啊？」
另一邊有個女人行咗出嚟…
「咦，有兩位年青人噃，乜咁錯蕩啊？你哋好，我叫阿信…」
「阿瞬？聖鬥士星矢嗰個？」
「唔係，唔係，阿信的故事嗰個。」
「哦！」
究竟呢一男一女係咩人呢？對呢個故事嘅作用又係咩呢？請看下回分解。
(待續)
下集預告︰
紫青合一﹒青龍神劍！
註解︰
(1) 天馬流星拳 — 《聖鬥士星矢》之前解過喇，係一部漫畫，呢招係裡面主角嘅必殺技之一。
(2) 盲俠 — 日本電影塑造嘅俠士之一，「踏著破鞋遊江湖，只有今天沒明天，漂泊鳥兒何處去，知我路者唯竹杖」呢段嘢係形容佢嘅。
(3) 展昭 — 係古典名著《七俠五義》裡面嘅主要人物之一，有南俠之稱，亦被皇上封號御貓，包青天嘅護衛。
(4) 阿瞬 — 《聖鬥士星矢》裡面成個女人咁嘅男人，仙女座聖衣，玩鎖鍊嘅。