米米蓮妖怪作品 -《旅行‧如此‧難以忘‧記 》(百集長篇): 第109集 ~ 輝︰我多咗招勁招，鳳凰火炎又出現埋添！
第109集 ~ 輝︰我多咗招勁招，鳳凰火炎又出現埋添！
阿明個死仔就好啦，墮崖死都有小倩陪。
(頂你個制丫！我係死就返嚟整鬼死你！)
唔CHOK吓你，點知道你安全啊？你安全我就放心晒喇。
欣欣嗰邊有「南龍」喺度，仲有佢個可怕嘅家姐喺度，我一早就好放心啦。
你諗吓，欣家姐可怕到連「南轅」呢D級數嘅高手都照昆。
至於我呢邊，因為大家分咗做三邊，我怕讀者會亂啊，所以…
都係講返少少上一次D嘢當重溫吓先…
上次，「達叔」由「達摩」變咗做「愛野戰美奈子」…
為嘅就係要對付「西斜」余二十召喚出嚟嘅「大銅武神」。
「光管陳」就召喚「玉麟金劍」嚟對付「西斜」嘅「九曲追魂劍」…
仲出埋佢嘅「鳳凰七重天」添。
但係佢哋一個沈悶，一個嘔心，我唯有悶悶地自己去搵人打…
喺我面前嘅係一個攻擊型石兵陣，石兵陣中有個石頭將軍…
我嘅「慧眼」悉英雄就騎住我，我就騎住「居居」，手就揸住把三尖兩刃槍…
而家直衝緊埋去石頭將軍度，我要…
「擒賊先擒王！蝦~！」
(碰隆 ~ 碰隆 ~ 碰隆 ~)
「接我銀槍！」
「護駕，石兵圍剿！」
突然一堆盾牌兵衝咗出嚟保護住「石頭將軍」，其他石兵就想嚟圍剿我…
我即刻用盡奶力旋轉一發…
(嘭嘭嘭嘭嘭~)
地下爆出幾條裂痕，總算阻到D石兵行埋我度…
「乾位虛，坤位入，轉巽位，艮位為終結，一擊石將軍，必斃！」
「英雄」突然咁嗌，我唯有咁回應佢…
「阿英雄，學乜人做我慧眼啫？完全溝通唔到囉，WHAT柒YOU SAY啊？」
「Eee…咁啦，左邊後方有個空位，你而家扮嘢向你右後方走，再逆時針高速兜個圈去「石頭將軍」後面…」
「一早咁講啦！蝦~！」
我根據「練馬師」指示再次策騎，走去右後面再高速兜去「石頭將軍」後面…
點知D石兵移動速度唔夠我隻馬王「居居」快…
我似乎再快跑多一百米左右就可以對正「石頭將軍」個背脊…
…
「好！到位！超級無敵篤背脊！」
我騎住「居居」一吓飛埋去想插爆佢背脊…
「化零為整！」
「咩話？」
所有石兵堆成一堆，變成…
「吓！有冇咁離奇啊？」
佢哋冇變成一個個體，而係一個一個石兵疊起咗，奇怪嘅係…
佢哋唔係成道牆咁，而係成條蛇咁…
淨係腳板底黐住隊友膊頭，個身體就可以扭嚟扭去，拐嚟拐去…
「點解可以咁白痴嫁？」
「團隊合作嘅嘢，你識乜春丫？」
呢吓串嘴真係令我無名火起…
「你阿爺丫，白痴仲要唔認呀？睇我點打到你合家散！」
我隨手用盡十幾年前飲媽媽奶嘅力一手將支銀槍鞭出去…
(嘭~！)
仲唔單止咁，我好自然咁覺得「英雄」可以配合我嘅意願去射出攻擊型嘅光線…
所以我雙手放頭，冥想半秒，就再將雙手揮出…
要「英雄」射出光線攻擊石兵陣…
「英，雄，死，光！」
力量好勁啊！成條LASER炮咁，一炮掃爆晒石兵陣喇！
「哇~ 丫~！」
………
贏咗喇！
「我有個問題。」「英雄」問。
「咩問題？消耗你太多能量呀？」
「唔係。係下次再出，唔該改改個名佢，我唔想以後冇人加入正義聯盟。」
「明白，下次唔敢。」
我之後另返轉頭去睇「光管陳」嗰邊先…
「吊！」
「光管陳」都講粗口，我呆咗兩秒…
「佢把追魂劍好很煩啊，仲煩過俾烏蠅嬲，仆佢條街，追足我百九幾個回合！」
嘩，把「九曲追魂劍」好邪惡啊！
攪到唔講開粗口嘅「光管陳」都連珠炮發講粗口。
「你媽媽個爹丫！你個「鳳凰追殺令」咪又係一糕樣，追倫咗我七百幾個山頭。」余二十回應。
「你唔很追我，我咪唔很追你囉。」
「你夠係囉，你唔倫追我，我咪唔倫追你囉。」
聽到我對耳丫…兩條友加埋成百歲，又要講粗口，又要講唔正粗口，好難頂。
所以，轉個鏡頭睇睇「達叔」先…
「達叔」將「愛野戰美奈子」假髮掉咗，露出「達摩」光頭，上身D衫爆開晒…
連丁字褲都露埋出嚟，而家佢擘大個脾露出腳毛咁同「大銅武神」對侍緊…
佢咁樣，我反而覺得舒服晒，不過…
如果俾「光管陳」見到「達叔」D濃密嘅腳毛，肯定觸景傷情。
唉，我都係有感而發啫，都係睇返佢哋打成點好D…
睇真D，似乎唔係「達叔」專登變成咁，而係…
「大銅武神」一劍又一劍咁鑿埋去，乜差嘢都俾佢鑿爛晒。
「神武專鑿！」
後面好似言猶由衷咁，究竟佢專鑿D乜呢？
「雙手入白刃！」
「哇哈哈哈！」
呢招係鬼「雙手入白刃」咩？明明就係插人隔勒底…
但係呢招似乎有效噃！「大銅武神」一時間淨係識得笑…
「鳳凰擺架之風月掃堂腿！」
我妖！一個招式俾佢講到好似鹹片第二集咁，但係…
呢招又有效噃！
「大銅武神」一吓被佢掃到飛起咗，佢再…
「鳳凰展翅之振翅高飛，推你落街！」
估唔到我尊敬嘅達叔，一場戰鬥…
贏咗場交，輸咗個「加」，加佢好友個「加」。
而家我決定BLACK LIST佢，因為佢實在太低能喇。
佢成功將成個「大銅武神」推咗出街…
「師兄，快D用鳳凰火炎斬九死條很樣啦！」「光管陳」突然大嗌。
嘩，睇嚟「九曲追魂劍」嘅毒害又加深咗喇噃。
「鳳凰火炎當年已經唔見咗，我都唔知佢去咗邊。」
…
「神武專鑿！」
咦，「大銅武神」原來識飛嫁，佢飛返埋嚟，仲再次使出呢招！
(啪~！)
呢一刻…
我呆住咁睇住…
「達叔」佢…
俾「大銅武神」劈開咗兩邊…
………
嬉皮笑臉嘅我霎時間冇晒反應…
………
但係…
我見到…
「哇~！丫~！」
「大銅武神」迅間溶解…
係俾…
「放心啦，唔好唔記得我係妖怪嚟，開邊呢D就小事啦…」半邊嘅達叔出聲。
「仲有，放心啦，原來「鳳凰火炎」冇唔見到，係一直喺我身體裡面啊。」
我見到開邊嘅「達叔」一直噴出火燄，而成個「大銅武神」迅間被燒熔…
而我腳下嘅「居居」一早跳咗起身，仲攬實咗條石柱。
「其實我都估到嫁喇。」我講。
因為我突然諗起上次喺球場見到「達叔」變身「美奈子」時嘅火光。
「係我睇到先嫁，光頭佬，你話係唔係？」「英雄」出聲。
「你話係咪係囉，單眼佬。」
「佢一變返做八婆肉身，中途就會出現。」「英雄」再講。
「邊個話我八婆？」「美奈子」竟然講廣東話，肯定又係結界問題。
呢一刻，我哋四個人一隻狗六對手六十隻手指一齊指住「余二十」。
之後，得半個頭嘅美奈子一巴打埋去「余二十」度…
「光管陳」就襯機飛埋去「達叔」同「美奈子」個頭度大叫︰—
「鳳凰展翅！火炎重現！」
(待續)
下集預告︰
你唔想練啫，我要教噃！
註解︰
(1) CHOK — 試探。
(2) 昆 — 呃，欺騙。