每個人都有不同的性格,有啲人好易自大,有啲人好易自卑,其實好大程度上係環境影響。當然環境可以分為人的教育或所遭受到環境的影響。

我自問係一個幾自卑的人,只不過隨著人的年齡增加,自我修飾(自己開解)得愈來愈有技巧,懂得將視線自我轉移。無他嘅,每個人始終係向自己負責,對自己好啲,係一件必須的事。

所謂「希望愈大,失望愈大」,滿以為自己都經歷過一定的失敗,不停同自己講有著最壞的打算,無非都係想自己無咁傷心。當我自己認為做到呢點嘅時候,一件突如其來的事件,可以頃刻將之前自以為建立的心理機制推倒。

對一個女仔溝通得多,曾經以為自己可以更進一步時,突然發覺自己原來一直是代替品,甚至乎係自己想多了。這樣的經歷,不論在網上或是現實世界,甚至乎是垃圾電視劇情經常出現。對我來講痛心嘅係在於,原來自己的努力係基建於虛假之上。我沒有怪任何人,因為我明白每個人都有自己的選擇。自己也曾經做過賤人,傷害過人(雖然我有一套我認為合理的理由),我好明白人要賤起上來,特別是感情,的確係無人可以阻止。

我痛心嘅係自己建立嘅小成就一下子無咗,不過咁,上天關上了一扇窗,會開返另一隻比你。係我最唔開心咁打呢篇文章時,電視播上了平時覺得睇唔睇也罷的霋時感動。分享主角係離開咗TVB 新聞部的柳俊江,佢將佢克服痴脷根的故事講出,當中最令我印象深刻嘅係呢句話:「你可以舒舒服服咁一成不變,無視佢,但同時你亦可以勇敢去踏出一步去改變佢」(當然我唔記得佢確切的用語,意思差不多係咁);同時,佢亦提到被老師指出佢的痴脷根問題,把他的建立自信心一野推倒,情況如今晚的我一樣。
 




這樣短短數分鐘的節目,竟然將我一直解不開的心結一野解開,這種暢快的感覺真的令人覺得很實在及有希望。
 
可能,柳俊江的這個小故事,已收納成為我個人自我開解的其中一個小錦囊。
 
希望我呢個無聊分享,可以為晚上遇著同樣挫折的朋友,作一個有一兩分鐘份量的開解劑。
 

利申:搭車時發覺柳俊江同佢女友住係我隔離屋苑。
 
已有 0 人追稿