《藝文青》Vol.13: 【肉食者鄙】旮旯《鳩嗚》

旮旯/《鳩嗚》

節錄自《蘋果日報》：「警方指，昨晚仍有大批示威者在西洋菜南街及山東街一帶聚集，再前往尖沙嘴等地區。有人在馬路上緩慢來回，亦有人稱要購物、等候巴士、拾取零錢等，阻礙交通及其他道路使用者。期間有滋事份子投擲雜物，放置木板及垃圾桶於馬路上，警方多次勸喻無效，結果要採取拘捕行動。」



其實除左因為《禁制令》，由佔領改做鳩嗚，只不過係為咗用一個警方冇理由「執法」嘅手段做相同嘅事。請原諒我「執法」要用引號，因為具有特殊含義嘅詞語，係會用引號標示。呢度都一樣，「執法」只係警方認為自己用緊嘅事，實際上有冇依照程序、法律辦事，明智嘅讀者相當清楚。

既然鳩嗚係為咗用一個警方冇理由「執法」嘅手段做相同嘅事，咁就唔應該做一啲犯法嘅事,令佢哋有任何藉口「執法」，否則弄巧反拙。





筆者大病三天之後都有去鳩嗚，話哂佔領咗旺角咁耐，係時候為振興旺角經濟出一分力。可惜身體虛弱，未能久留逛得太夜，似乎錯過咗好多精彩場面。

我哋亦都非常歡迎讀者投稿俾我哋，話俾大家知你哋嘅所見所聞。