[原創,感人,科幻,小甜]<<蒲公英的約定>>: 《第一章 終節：咩話？未來的她是我老婆？她由未來過來是要教我整時光機？！》
『嘩，架車都幾豪啵。』我心諗
車正在快速行駛，我不知目的地係去邊，又不知道美淇點解無啦啦俾人捉。雖然我好想問，但係見佢地都不太講野，所以我都唔敢點問。
「你，無事嘛？」美淇終於打破僵局
「無，肯定無！你唔好睇我爆曬江咁樣，其實只不過係因為熱氣姐。我呢，就學過好多功夫架！洪拳，詠春，柔道，抬拳道，當然仲有...」
「嗯，無事就好。」美淇淡淡地中止我既演講，我都識相咁停了口。
『嘩！小你！呢到係咩臨天下呀？』
『嘩！小你兩次！咁狠大既佢間屋』
『嘩！小你三次！有上下兩層既？！』
當我來到她的家時，一開門我簡直不能相信係香港地竟然有呢咁既單位！又話香港地少人多，間屋住百幾人咩？
「你坐坐，順便介紹一下，呢位係我爸爸」美淇由樓上走下來說到。只見他身後的男人西裝骨骨，高大威猛，但樣子卻十分之嚴肅，就好似同佢講句野都會殺左你一樣的感覺。
「你好，我叫王顯藍」美淇父親主動伸出手講到
「哦，你好藍叔，你好你好藍叔」我連忙握手道
「你...唔知我係邊個？」
「下....呀...你係美淇爸爸嘛」呢個人雖然好熟口面，但唔知點解就是想不起是誰，再加上邊有人第一次見面就問人知唔知自己係邊個架？我邊握手邊心想。
「嗯，你先坐坐」說罷，藍叔就同美淇行到去飯廳不知說什麼，我就只有超不自然地坐在沙發無奈地等。十分鐘後，他們終於過來了。
「嗯，咁以後就拜託你啦。」藍叔講到
『下？拜託啲咩？』我立刻呆了一呆
誰不知這時美淇卻忽然過來拖住我的手「又係你講既Jason。你話會一直保護我既，就好似今日咁」
『下？！Jason?!邊個叫Jason?同埋我幾時話過保護你？我今日俾人打到喪失性能力咁制呀？點保護你？』我呆著心想
「唔洗擔心啵爸爸，Jason佢學過好多功夫架！洪拳，詠春，柔道，抬拳道等等」
「係呀.....係呀」我呑吐地答道。
「嗯，咁美淇番學時就交俾你啦。今日既事我會再搵人去查，你地就先休息下啦。呀明，送Jason番去」藍叔說到
就這樣，我便又再坐那架豪華車番屋企。
我在街口便和明哥道別了,當我自己走回家的途中，我腦海還是有得多問號。對了，臨走前美淇俾左佢電話號碼俾我，等我打去問下先。
「唔好打呀！」忽然，在暗角有個黑影向我衝黎，一手搶走我手上既電話扔落地。我當堂怒火上升，一手捉住那個人
「我小你娘！e?美淇？」原來那個人是美淇
「美淇，你，你唔係係屋企咩？」我再問到
「對唔住，咁耐無見我唔應該咁粗魯」美淇答到
下，我們才分別一個小時，點會好耐無見？呢個人真係好奇怪
「應該咁講，我是王美淇。但係唔係你依家識既美淇，我係來自2055年既美淇，簡單一句，姐係你太太。」美淇再道
我知道，係那刻，我的口一定張到有幾大得幾大。點會有那麼奇怪既人，忽然做我老婆？仲要黎至2055年？就算黎至2055年點解個樣無老到？你當我傻架？
「你唔信？好，你爸爸叫王忠全，媽媽叫郭薇，你媽媽係你15歲時已經過左身。你屁股因為有皮膚病而生咁好多黑色瘡.....」
我不只嘴巴，連眼睛都張到大一大「咁....咁.....咁你....」
「你問我番黎做咩？我知你有好多問題想問，但唔緊要，你之後可以慢慢問，你依家先帶我番屋企先，同埋你可以望下份野」說罷，她便給了我一份文件，一看，只見上面寫著：
To my dear Miki
我一生的心血和結晶，現在就送給我最愛的你，抱歉我不能和你一起走更遠，一起老死。
《蒲公英計劃》
最愛你的
Jason_A
2029年12月9日
「j....Jason.....A?」
「無錯，你係Jason_a,我係Miki,我番黎就係要幫你追我同教你整時光機！」
時......光.....機？
'多啦B夢咩小你'