《進化論》: 第十八章 暈
「德叔，你到底係咩人?」
事到如今，知道德叔跟事情有關，我反而冷靜了下來，於是我問道。
「我係咩人唔重要，重要既係你已經俾佢發現左。」
德叔没有回頭，一邊把我脫下的西裝放入袋中，一邊答道。
「佢?發現?邊個佢?發現左啲咩?」我皺眉，疑惑地問道。
「咪佢囉。發現左咩你到依家都仲未知咩?」德叔有點不耐煩的答道。
「Okay...咁點解佢會發現?」我揮揮手，換了另一個問題。
德叔放下手上的西裝，抬起頭答道：「我話佢知既。」
「...」
老實說，德叔的答案，答左等於無答。因為我根本不知道德叔所表達的意思。
「仲楝係度做咩呀?」德叔瞧瞧我，不耐煩的說道：「快啲換衫出去啦，楝係度都無用架。」
我疑惑的看着著德叔，穿上自己的衣服。
我以為德叔會有些特別的動作，但最後只是被他趕出了更衣室。
「咁奇怪既，知道我有USB，但又無其他動作，即係想點...」我心想。
我靜靜地走到梳化坐下，如果德叔是幕後黑手的同謀，他何必要跟我提及USB的事，那樣做只會打草驚蛇。
但如果他不是幕後黑手的同謀，他又如何知道USB的事情呢?
太古怪了。
「Ringo你又做咩成個呆晒呀?」
Christie在我身旁坐下，看見我目瞪口呆的樣子，於是好奇的問道。
「無，諗緊啲無謂野啫。」我回過神來，答道。
「咁呀?試完身行得未?」Christie問道。
「應該行得。」我點點頭，答道：「德叔叫我過兩日再黎攞西裝喎。」
「吓?件衫仲要改咩?」Christie揚起雙眉，好奇地問道。
「...嗯。」我點點頭，總不可能跟Christie重覆一遍剛剛德叔的話。
「咁呀...行囉。」Christie聳一聳肩，站起身來說道：「德叔好少可會有野改架喎，唔通真係因為趕通宵太攰?」
我尷尬的站起來，没有答話，一方面是因為我不知道如何答應才對，另一方面是我不想Christie被卷入事件中。
「囝呀!返黎!」
剛走到門口的時候，就聽到德叔叫停我。
我當場一愕，因為我以為德叔終於要出手。
我全身僵硬，慢慢的轉過身來。
只見德叔揮揮手叫我走近。
我慢慢的走過去德叔身邊，但暗地裡全身戒備，以防有突發事件發生。
「囝呀，一陣坐電梯，到地下之前，大力吸一啖氣，然後閉氣，知道無?」
德叔用手抱著我的膊頭，小聲的說道。
「吓...點解。」
雖然被德叔抱住的一瞬間，我渾身出了一身泙，但我依然一頭霧水的問道。
「唔好問咁多，叫你做就做，同我小心啲睇住阿囡，有咩事我唯你是問。」德叔伸出手指小心翼翼的警告我。
我雙手虛空一按，問道：「咪住先德叔，你講到好似一陣會有野發生，到底會發生咩事。」
「問咁多做咩呀，叫你做就做。」
德叔放開抱著我的手，然後輕輕的推我，讓我往門口走去。
「咁係呀嘛，德叔。」我皺眉道：「咁不如我走後門走，咪無事囉。」
德叔拍拍我的頭，說道：「哼。死蠢，走後門有鬼用，記住我頭先講既野，唔係阿囡有咩事你就死梗。」
「出電梯前閉氣?」我側頭問道。
「係呀。走啦，唔好阻住阿叔做生意。」
德叔不耐煩地把我推出了門口，然後向我和Christie揮揮手，示意我們趕快離去。
我和Christie跟德叔揮手作別，然後走到電梯旁。
Christie看著我，好奇的問道：「你兩個頭先講咩，神神秘秘咁既?」
「...哦無...德叔叫我西裝要乾洗，恤衫要手洗。」我腦中一轉，隨口答道。
「吓...你又未攞衫，上黎攞衫先講都未遲啦。」Christie疑惑的說道。
「係囉，都唔知德叔想點。」我伸手抺去額角的汗。
「神神化化。」
Chrsitie看看我，拋下這句評語，然後轉身走進電梯。
我鬆一口氣，跟著Christie走進電梯。
電梯的速度很快，在差不多到地下的時候，我輕輕的深呼吸一下，然後閉氣。
雖然我仍然在思考德叔的剛剛的話，但畢竟「不聽老人言，吃虧在眼前」這個道理我還是懂的，所以我依然遵照了德叔的吩咐。
不過很快，我就知道了德叔叫我閉氣的目的。
因為電梯的門一打開，就有兩個大漢把我跟Christie推回電梯中。
「啊!你地想點呀!」Christie掙扎，慌張地大叫。
但是其中一個大漢馬上用一條手帕按上Christie的口鼻，不到一秒，Christie就渾身一軟，倒了下來。
「Christie!」
我馬上上前去救Christie，但另一位大漢馬上把我推到電梯一角，然後用另一條手帕按上我的口鼻。
電光石火之間，我知道德叔叫我閉氣的目的了。
從剛剛Christie的情況看來，Christie應該是被迷暈了，所以手帕上應該有"哥羅芳"一類的迷藥。
德叔之所以叫我閉氣，就是想我不要吸入迷藥，保持清醒，方便保護Christie。
所以我馬上閉上氣，略作掙扎之後，就放鬆了身體，軟倒了下去。
我的心中現在有一大堆疑問。
到底德叔是什麼人?
德叔為何要幫我?
要迷暈我跟Christie的那個"他"，到底是誰?
"他"的目的，到底是什麼?
Like我的Facebook: http://www.facebook.com/hkgringong
高登直播: http://forum1.hkgolden.com/view.aspx?type=SY&message=4488715