《異國校園裡的死亡真相》: 第二十九話：《行兇》
「我去得。」我立馬站起身子, 揹起背包。
「唔得!」Fergus馬上截住我。
「你睇住娜姐!」 我撥開他的手：「唔好跟黎, 守好據點, 唔係比人霸咗位, 我地就冇地方去。」我說罷, 便急步離開了飯堂。
又是甚麼麻煩啊!
去到黃座走廊, 只見有一大群人圍著起哄。
「喂, 話事人黎啦!」這把極度討厭的聲音, 肯定是Michael。
難道Ivan已經...
千萬不要, 早叫了你要跟我們一起行動...
鮮血, 已經率先映入我的眼簾之中。
「癲姐...」這把聲音...
「Ivan?」我驚訝地看著他。
那你在群組內打的「黃座, 救命!」代表著甚麼?
下一秒, 我只是看見有兩具男屍倒臥在血泊之中。
「阿...阿癲姐, 我兩個friend就咁就比你啲人殺咗, 點解釋?」Michael不停咄咄逼人。
「發生咩事?」我問著Ivan。
在我等著Ivan的回應之時, 我略略打量著這兩副男屍。
他們的背上皆插著短刀。
是一刀斃命。
「通知咗學校未?」我聽見Michael旁的Matthew這樣問著。
「通知咗啦, 佢地話會派人黎處理喎!」Michael刻意把「喎」字拖長, 分明是向我挑釁。
「我行緊去上堂, 然之後佢地就撩我講野, 我冇理到佢地, 佢地就跟住我, 跟跟吓佢地就砰一聲咁跌咗落地...」Ivan憶述著。
「哇! 你講咩都得架啦。」Michael不忘在旁生事。
真的很想...很想...很想...
一巴車到他的臉上!
「吓? 邊個親眼Ivan同呢件事有關呀?」我向著眾人, 尤其怒盯著Michael, 問。
奇怪地, Aaron只是在後方, 沒有插嘴。
不過由學期初, 他那方的人對我們都沒甚麼特別挑釁。很快地, 他那派的人跟Michael派合併, 才造成這樣的局面。有的人則稱之為Aaron派 (艾洛派) 跟Michael派 (米高派) 。
慢著, 死的那兩人!
我看著那兩副屍體, 他們都好像是米高派的人。
應該不會, 照道理, 他們兩方的人平常行動也會以一團人為單位, 我應該把思考方向重新放回案發當時的情況。
而且如果關Aaron那方事的話, 他定必會不停落井下口以務求更快煮死Ivan。
我打量著地上的屍體, 其實到底是不是那兩個殺手造成都無從證實。
「仲扮咩呀?」Michael他們開始起哄。
「係囉, 真係估你唔到喎。」Ivan開始受千夫所指。
我現在一定要盡快帶他出去解圍。
「仲有咩好講呀?」責罵聲此起彼落。
再這樣下去, 我恐怕Ivan會捱不住。
「嘈夠未呀!?」忽然, 一聲響吭的聲音在我耳邊猛地一發。
頓時, 萬籟無語, 鴉雀無聲。
空氣彷彿凝結, 時間亦恍如停止了運作。
眾人都目瞠口呆地看著發出這種懾人聲線的人...
「頭先呢條走廊咁多人係到, 你地求其事但摘個人出黎都證明到我清白啦下化!」Ivan的臉充得紅紅, 大聲地罵著。
「邊個仲要玩野呀!?」這一刻, 我只能用氣勢如虹來形容他。當然, 我也是怔在當場。
我從來沒有看過這樣的Ivan。
「你...你做咩啫你? 咁激動...身有屎...」Michael話剛未落, 已經...
「砰!」一聲重重的一擊, 震得我耳膜都嗚嗚聲。
「你‧係‧唔‧係‧玩‧野‧呀‧仆‧街?」Michael的衣領已經給Ivan迅捷地抓住, 給揍到牆邊。
「你係有真憑真據既就拎出黎, 唔好係到整蠱做怪!」Ivan作勢, 準備一拳揍向Michael。
「殺手...殺手...」Michael只是絮絮唸著。
「本身有兩個既, 你再吠就會有三個!」Ivan的雙眼充滿怒意。
幸好他身材不算瘦弱, 剛才那一聲亦為他奪得先機。
「你唔係殺手咪得囉, 其他野等學校處理啦, 放開佢!」沒甚發言的Aaron終於替自己隊友解圍。
他蹙著眉, 似乎正在苦思一些事情。
「Ivan。」事情再發展下去, Ivan可能會被反圍都說不定, 還是先替他全身而退要緊。
Ivan用鼻子不忿地呼了聲氣, 狠狠地鬆開了Michael。
「呢世人...」Ivan陰沉地說著。
「最憎人屈我。」他言正詞嚴, 看著ASA2派的人說道。
氣氛正處於僵持, Ivan跟Michael同樣很難下台。
「哎呀, 冇野睇喇, 一場誤會一場誤會, 呢到等學校處理啦。」只見這個時候, 永恆的調停者Titus永遠會在最適當的時候出來當勇士。
「走啦走啦。」他還有他旁邊的大Jacky也滿臉笑容, 並一邊向著自己派的人作驅趕。
與此同時, Titus朝我打了個眼色。
「Ivan, 走啦, 你邊到上堂? 我癲姐陪你去。」我指著自己胸口, 一手拉走了Ivan。
怪不得Titus可以跟大Jacky當老大。
我遠看著反方向走著的他們, 倘若他們當中潛伏著一個, 甚至兩個殺手, 一觸發事情起來必定不可收拾。
那兩個米高派的人, 照這樣看, 就是被短刀所殺。
「Ivan, 你okay嘛?」我看著怒氣似乎還沒消的Ivan。
「唔該晒癲姐你救我...」他稍為氣喘地跟我說道。
「我冇做啲咩, 救你既人, 係你自己。」我拍著他的肩膊, 說道。
「你頭先真係冇發現到有可疑既人接近佢兩個?」我問著。
「冇, 佢地係我後面, 講講吓野就砰一聲咁仆低...再後面都冇人。」Ivan答道。
「再後面? 再後面係藍座喎。」
「冇咁後, 我意思係條連接走廊冇人, 嗰到望唔清楚藍座。」
「我自己上去得。」Ivan向著我微笑說道。
既然ASA2他們都朝著反方向離開, 那應該沒有甚麼問題。
只是上一層樓, 再加上現在身邊這麼多人...
「總之小心。」現在的我就像一個老母般, 叮囑著自己的兒子。
看來, 我這種性格要戒掉。
跟Ivan別過後, 我就準備回去飯堂。
原來Ivan也有這樣獨當的一面, 害我剛才還白擔心一趟。
照著原路回去, 原先的兩具屍體已經不在, 而旁邊則站著數個掛著staff名牌的人。
短刀...
若然不是近距離行兇, 那即是...
飛刀!