(青梅竹馬)逆。時光 - 結局一: (3)

「各位旅客,歡迎搭乘中華航空的班機前往杭州，我是本班機的機長......」飛機順利起飛不久，便傳來機長的廣播。順帶一提，機長閒時應該要進修一下英語，我只能勉強聽得懂某些字眼。 

「喂呀，皓天呀，你重未話比我聽，點解你會係到架，快d講啦。」坐在我身旁的嘉欣不斷拍著我的手膀，詢問我為何會出現的原因。 

「係啦係啦，說來就話長，你真係想知?」我微笑地說。 

「快d講啦，咪係到拉布呀警告你。」

=================================================================



~時間回到畢業前的某個晚上~ 

當晚正在趕功課的我埋頭苦幹地坐在書桌前，突然電話響起。 

「喂，Shirley?」 

「喂，天仔，依家得唔得閒出一出黎，有急事搵你。」 

「Er...真係好急架?」由於三日後便要交這幾份功課，故我首先問清楚這個必要性。 



「急唔急我就唔知，但係你唔出黎就一定後悔。半個鐘後，尖沙咀海旁等，拜拜。」Shirley說完後，便自行收聲，故我只好匆匆地換好衣服便出門了。當我抵達時，遠處便看到Shirley的背影，所以我立即上前。
 
「喂Shirley，有咩事咁急，要約到咁趕呀。」我笑著道，但換來的卻是她嚴肅的語氣:「李皓天，你係唔係重係鍾意嘉欣?」