(青梅竹馬)逆。時光 - 結局一: (5)

「但係我重係唔明點解佢要離開香港，佢會去邊?我求下你話比我知。」我開始苦苦哀求Shirley，希望她可以提供那怕是一丁點兒的線索。 

「唔洗咁心急住，我約得你出黎，自然係想話比你知。」她接著說:「嘉欣決定去杭州追夢，而追咩夢嘉欣無講。以我推斷，佢唔係單純為左追夢，佢係為左逃避你。」 

「逃避我?」 

「嗯，大概原因應該係因為佢真係太愛你，而正正因為愛你，所以先要退出我地的三角關係。」愛我不是應該繼續努力嗎?為何反而自動逃出，女人的思維，男人真是永遠都不能理解，不過這一切我都沒有說出口。 

「所以你話比我知係代表?」 



「我決定放棄，你去追返嘉欣啦，我遲下會比d航班資料同時間你，加油，嘻嘻。」聽得出，她是苦笑的。 

「咁...」 

「你走先啦，我想留係到多一陣。」她揮了揮手，示意我先離開，故我各別後便轉身離開。但由於不放心，我沒有即時回家，只是躲於花槽後偷偷看著她。

過了不知多久，Shirley突然對著海邊大叫:「點解呀，點解同李皓天青梅竹馬果個唔係我呀，點解你對我咁唔公平，點解你細個果時要搶走我父母，點解你一直都玩我，你答我呀。」 我從遠處望著已經失控的她，靜了下來。上天下著毛雨，我，也無語。

誠心問蒼天 蒼天卻無語 



正當心軟想上前時，突然看到一個熟悉的身影從走到Shirley身旁，緊抱著她說:「傻妹，你重有我。」

 John出現的原因對我來說不再重要，我轉身離去，因為我知道一個可以守護Shirley的人出現了。