薛可正作品 - 回到過去，星晴擱淺，說好的幸福呢？: 51

51.

「我好掛住你呀。」杰寧這傻瓜，一撲過來便開始哭。

「我都係呀。」我忍不住親了杰寧一吻，但眼下仍然留意著周圍的情況，因為如素姨的能力我從來都沒有小看過。

「點解你識得自己嚟到呢度咁叻仔嘅？」無聲的三分鐘擁抱後，杰寧抬起頭問我。

「尚志教我，都唔係好難之嘛。」



「你食咗嘢未？我地搵個地方坐低先好嘛？」

「好。」

杰寧牽著我，很快樂的走著。這份自由感覺是在香港從來都沒有試過的，我們穿過了一個又一個的小公園，最後來到一間小餐廳。

「媽咪要收購你地嗰度個商場？」在餐廳內，杰寧很大聲的問。

「係，大家姐話俾我知。」我苦笑，我很如素姨，但總不能怪到她女兒身上。



「我咪同佢講咗我唔搵你…媽咪真係冇口齒。」

「又唔可以咁講，我地而家咪又係呃住佢……」我不喜歡倒亂黑白，更不喜歡律人以嚴。

杰寧聽到我的說話，彷彿知道我的心情不太好，轉轉她的大眼睛又向我逗趣著：「咁我地唔好諗啦，我呢幾日放假，不如……我地去倫敦玩好唔好？」

「倫敦…但尚志好似幫我訂咗酒店喎。」

「唔緊要啦，你飛半個地球搵我，我地乜嘢都唔好理，想玩就玩想做就做嘛。」杰寧摟著我在撒嬌，這種比起在香港熱情十倍的手法，我的確是招架不了。



「好啦好啦，妳話去邊就去邊啦。」

「好嘢！」杰寧興奮的反應，跟我這個窮小子的小擔憂有點對比。我終於明白人在外頭，那種不能靠家裡的感覺真是很無助。

第一晚，我還是留在cheltenham的酒店，因為杰寧到倫敦一來一回實在太花時間，所以要明天一大清早起行。

這一天，我跟杰寧在cheltenham到處走，直到晚上九點多她才陪我到酒店後再回家。雖然如素姨不在，但我們還是不可以太過份。

「咁我聽日嚟接你喇。」杰寧邊跟我說，邊看著手上的錶。

「好啦，咁你返去打俾我。」

「好。」

「妳趕時間呀？」



「我同屋企個工人講我今日要留喺學校，唔知媽咪有冇打電話返嚟之嘛。」

「好啦，咁妳快啲返去。」

「再見。」親吻過後，杰寧跳上一輛計程車便走了。

我回到陌生的房間，自己一個人睡在床上，忽然覺得很想家。

這時我才記起自己到埗後也沒有跟媽聯絡過，立即打電話回到香港去。

「打返屋企，冇來電顯示，媽一定唔發覺。」

三分鐘後，我撥通了家裡的電話。



「喂。」

「媽？咁早訓嘅點解妳？」我看著窗外的月亮說。

「B呀？乜嘢早訓呀？七點幾鐘仲未訓呀你？」

「係喎，英國同香港嘅時間唔同喎…」我心裡想著，差點露出馬腳來。

「哈哈，我玩下妳之嘛，我喺個營度啱啱起身煮早餐呀，好鬼健康呀呢度。」兒女騙父母的腦筋速度，相信大家也不會懷疑的。

「嗯嗯，記得小心啲呀，呢排好多啲乜鬼流感，唔好同同學仔玩口水呀你。」

「我點會同同學玩口水呀媽，小學呀妳當我，我十八歲喇。」

「你八十歲我都當你細路啦衰仔。」



在英國一個人的房間內，從電話中聽到媽這麼的一句，這個配搭真的讓人很難過。從小黏著媽的我，彷彿意識到自己終有一天會出走到外面，終有一天不會事事有媽在身邊陪著自己。

「媽，我好掛住妳呀。」