薛可正作品 - 回到過去，星晴擱淺，說好的幸福呢？: 62

  62.  
  
  媽在家裡已經休息了幾個月，還好是她平常有儲蓄的習慣，加上我每個月大部份的薪水，我們這幾個月的生活也算是安定。
 
  這段期間媽常到麗嫦姨的家去探望爸，像這一晚，我們一家人又在一起晚餐。

「B，你份工做成點呀？慣唔慣呀？」晚飯時，爸這種長輩都會發出這些問題。

「都幾好呀，同事肯教我嘢，唔錯呀。」





「我聽講你好似拍拖喇喎葉青倫弟兄。」二姐突然殺出，不問已知是舊學校內的同學在傳我和阿琳的閒話。

「冇呀，咁阿琳介紹我去，咪成日一齊同佢食飯囉。」我說時看著媽，因為我知道她為我的事都特別著緊。上次杰寧的事搞到這個樣子，如果我真的再拍拖的話，也會以媽的感覺為重。

「咁後生拍下拖都好正常丫，我好似你咁大嗰時都不知幾多男朋友仔呀。」大家姐插上一嘴時，手裡仍為麗嫦姨碗上添上一塊牛肉。

  麗嫦姨邊吃邊微微笑，像是為我們的話題在快樂。外人看來我們可能有點怪，一個不富有的家庭像不成文的同時存在著兩個家庭，但卻愈來愈融洽。

「係喎大家姐呀，我今日見到月亮報頭條。」二姐轉個話題，但看來不太適合。大家姐還了她一個眼色，二姐立即警覺地閉嘴。





  晚飯後，大家姐建議吃甜品，著我跟她一起開車去買。我知道這是故意的安排，她應該有話要跟我說。 

  途上我們一直閒話家常，直到回程時她終於說到正題。

「二姐講嘅頭條，你有冇睇到呀？」大家姐問。

「我睇到。」除了這之外，我沒有什麼意見。

「有咩感覺？」 





  大家姐的問題，像是想我在她這個行為上，下一個評語。我認真的想了一下，再說出我的感受：

「我唔想媽擔心…我唔想再接觸呢個人，我連杰寧都冇搵。」 

  大家姐聽到我的話，又沉默了幾秒，她把車子轉到一條橫街內，再把車子停下來。

「B，我地見返幾個月，你覺得我同二姐點？」大家姐突然問我

「好好，見返妳同二姐，係我呢一年最開心嘅事。」

「我同青兒好早就知道我地有你呢個細佬，有時我地會襯阿媽唔喺度時，討論下你到底係一個乜嘢外表嘅小朋友。我從來都冇見過你，只可以喺青兒口中知道你係咩樣，我一直都好期待見返你之後，我地三姊弟一齊相處嘅日子。」
   大家姐打開車門，點起一根香煙說。

「但我第一次見返妳……妳好似好cool咁嘅…」我笑說





「性格似媽咪，哈哈。」

  我笑了一笑，麗嫦姨的性格我不敢說太多意見。

「上次見到你俾人蝦到咁，我同二姐都好心痛。最近我報社有同事查到天貿內部有好多黑材料。所以我通知咗公司，我要一直跟住天貿嘅新聞打，我要將佢地負面嘅事都報哂出嚟，要佢股價受影響，我要一路打到姓張嗰個女人冇好日子過。」

「但…」

「所以今晚我要同你傾呢件事。」 

  大家姐終於說到了最重要的一個問題。

「如果我要一路搞天貿，你就唔可以同嗰邊有任何來往。你老實答大家姐，你仲有冇搵張杰寧？」

  我早就想到大家姐這個問題，我可以很快的回答「沒有」。但暫時沒有，不等如我將來不想。





「我冇搵杰寧…但係…大家姐……」

「佢阿媽搞到你同潔心姨舖頭都冇埋，影響你地生活，你同張杰寧冇可能再喺埋一齊… 

  B，我地姓葉，唔可以俾人蝦。」

  大家姐說時很強勢，讓我在英國時的回憶一幕幕重現眼前，不知怎的很自然便點了一下頭：

「我知道喇，大家姐。」 

  我迷迷糊糊的答應了大家姐，但人生就是竟充滿著驚喜。兩天之後，我收到尚志的一個來電：

「B呀，我聽到有舊同學講，杰寧同東堯返咗香港呀！」