《我要追番我老婆》: 花絮9

********************************************************************************************************************
「嘻...嘻嘻......」

我剛回到家中，就聽到這個大白痴坐在沙發上傻笑。

他好像正在看甚麼東西似的﹖看甚麼要發出這麼嘔心的笑聲﹖《蛇貓狗》嗎﹖連我回來了他也沒有發現。

我悄悄的走到他身後，探頭一看。

！！！！



原來是那本相冊！我明明已經收好了的，怎麼還是給他找出來了﹖

他正看著貼有大東山日出照片的那一頁在傻笑。

我想起相冊上的內容，馬上窘得滿臉通紅。我馬上從他手上搶過相冊躲了開去。

呀鋒馬上跳起來嚷道﹕「喂喂喂，人哋睇緊㗎，做咩搶咗去呀﹖」

我的臉還是在發燒，結結巴巴的道﹕「唔...唔比睇呀！」



他的樣子有點不解﹕「做咩唔比睇喎......」然後他恍然大悟，賊笑道﹕「嗰本係你寫比我嘅情書喎！我緊係要再三回味啦......嘿嘿......」

我給他說得臉紅耳赤﹕「喂！......你...你好囉喎，陳洛鋒！」

這個傢伙看見我的窘態，更加肆無忌憚的笑道﹕「我唔止要日日睇，日日回味，第時我仲要比我哋啲仔女睇啦，同佢哋講﹕『你哋睇吓嗰陣你哋媽咪幾愛我﹖』跟住再遲啲我就比我哋啲孫睇﹕『你哋睇吓嗰陣你哋嫲嫲幾愛我﹖』」

我受不了他的調侃，丟下相冊，衝上前嗔道﹕「你仲講！你仲講！」並伸手想掩著他的嘴巴。

這個臭傢伙笑著躲避著我的手掌，嘴巴卻不停的唱著《很愛很愛你》﹕「啦......啦啦...啦啦...很愛很愛我...所以願意...捨得讓我...往更多幸福的地方飛去......」他還要把歌詞中的「你」改作了「我」！



我想不到其他辦法，唯有將他的頭拉下，用嘴巴封著他的嘴巴。

過了好一會兒，我紅著臉放開了他﹕「衰人你仲講唔講﹖」

呀鋒壞壞笑道﹕「唔講啦，個嘴而家唔得閒呀。」說罷親了我一下，然後又一把將我抱起，邪笑道﹕「等我哋生咗個B出嚟我先慢慢同佢講。」說著說著他已經抱著我走進房間裏。

我不由得羞得大窘，拳頭無力的搥打著他的胸膛﹕「衰...衰人......放開我呀......」

這個淫賊又發出了歹角的招牌笑聲﹕「你嗌啦...你點嗌都唔會有人理你㗎啦...嘿嘿嘿......」
********************************************************************************************************************