羊生與羊太的日常軼事: C眼生毛

「老婆，『濺』濕個『濺』字點寫呀﹖係咪『淺』水個『淺』呀﹖」在我寫作的過程中，經常會執筆忘字，所以我不時會請教我的人肉字典。

她想了一想道﹕「係『淺』字個三點水同『戔』字中間加個『目』呀。」

「『木』呀......」我心裏想著在三點水和『戔』字中間加上一個『木』。

羊太大概知道我在想甚麼，又補充道﹕「個『目』係你隻c眼嘅『目』，唔係木頭個『木』。」

三點水和『戔』字中間加『目』字﹖有這樣的字嗎﹖





我嘗試輸入倉頡碼「水月山戈」但失敗了，於是我輸入速成碼「水戈」，再在字表中找尋。

「搵到啦！係中間加個『貝』字呀！唔係『目』呀！」我大聲喊道。

羊太按了按手上的ipad，訝道﹕「係喎！原來係喺你隻c眼下面加兩隻腳！」

我笑道﹕「唔係腳呀，係兩條毛。」

羊太笑得直打跌﹕「依~你真係好核突呀！死人核突佬！」





我也笑得捧腹﹕「哈哈哈......又係你講先嘅......」