羊生與羊太的日常軼事: 台灣特飲

羊太昨天因公事關係，即日來回了台北一轉。

我﹕「其實你去到都唔駛做嘢嘅，算係去咗個台北半日遊。」

羊太興高采烈﹕「係呀！個台灣同事帶咗我去行街食嘢，又食乜啦，又食物啦.......(下刪一萬字)」

她停不了繼續說﹕「台灣啲嘢飲真係好好飲呀！我同事介紹咗杯蜜瓜奶比我，真係好正！」

我眼望她的心口，懶洋洋道﹕「你同事都覺得你需要補吓呀﹖」





羊太重重打了我一下，又道﹕「台灣啲嘢飲呀，又可以多甜少甜啦，又可以多冰少冰喎......」

我繼續懶洋洋﹕「乜你唔知香港都得咩﹖」頓了一頓，我笑道﹕「當年我結婚呀，我都想同我老婆講要多奶，不過嗰陣未有呢種service咋嘛，早知我就去台灣娶老婆啦，可以重甜多奶！」

羊太扭著我的耳朵駡道﹕「你想死呀！」