羊生與羊太的日常軼事: 取暖

「點解屋企仲凍過出面㗎﹖」羊太放工回家後如是說。

「不嬲都係咁㗎啦。你第一日先知道﹖你喺地鐵裏面咁多人實暖㗎。」

「我話係連喺公司都暖過屋企。」

其實不知為何，家裏總比外面寒冷，尤其今日只得幾度。

「嘩你走開呀！縮開你隻手呀！」衰婆趁我不留神將她的一對冰手伸入我衣服內。





「耶~人哋要取暖呀~」她還不斷摸摸摸，害我連乳頭都冷得豎起來。

「夠啦！」我將她的手抽出來，然後笑道﹕「取暖最好嘅放法就係兩個人互相摸擦。」這次輪到我在她身上胡亂摸索，上下其手。

「死人咸濕佬！走開！」

「唔走，我要同你一齊兩個body互相摩擦取暖，摩擦到出火為止。」我說話的同時雙手不斷在她身上遊走。

她嗔道﹕「邊個同你出火呀﹖走開呀！」





我以發出奸人招牌笑聲作結﹕「嘿嘿嘿......除咗你仲有邊個可以幫我出火﹖」