羊生與羊太的日常軼事: 狼人

星期六晚食飽飯無嘢做當然是和老婆排排坐看電視。

電視剛好有狼人電影，我和羊太都從來沒有看過這一系列的，而羊太更是對主角狼人零認識。

剛好看到有一幕狼人跟敵人在行走中的新幹線頂上打鬥，因為他們都在車廂外，所以要用刀插入新幹線頂固定身體，而狼人當然用他手指罅中的鋼刀指入車頂。

這時候羊太問﹕「點解佢夾幾把刀入手指罅度嘅﹖」

我當場嚇一跳，然後哈哈大笑﹕「嗰幾把刀唔係夾住㗎，係直接喺佢體內伸出嚟㗎！」





她聽後呆了呆，然後大笑﹕「我仲諗佢夾幾把刀喺指罅度係咪會勁啲，哈哈......」
 


過了一會，她又問﹕「狼人其實係咪未瞓醒﹖點解佢兩邊頭髮飛起哂都唔梳下佢﹖」

我又再次當場嚇一跳，然後笑到反肚﹕「呢個係佢髮型呀，佢個look本身就係咁呀！佢只係跟漫畫原著個做形咋。」

「吓﹖個做形咁搞笑﹖」





「龍珠個孫悟空個頭都奇怪啦，你唔覺得搞笑﹖」

「哈！又係喎。」
 


有時候，和羊太看電影本身的娛樂性是會比電影本身大。