大家好，我叫阿俊，今年五歲: 大家好，我叫阿俊，今年五歲(4)
大家好，我叫阿俊，今年五歲(4)
開心嘅時間過得特別快，不知不覺同神仙B一齊左已經有成48個小時。
平時神仙B同我吹水都係話睇中杜如風果隻手袋想買，今日竟然無啦啦同我討論政治。
「俊俊，你有無留意梁特首發表嘅施政報告啊？」
「BB，我識條鐵多過識政治喎。」我搖搖頭「你話我港豬都係咁話，施政報告關我咩事喎？」
「唔係啊，俊俊...」神仙B忽然之間含羞答答咁低頭「...特首佢話推行幼稚園全日性服務喎...」
「全日性服務又點喎，你好有需要咩？」我不以為然
「耶，咁...轉左做全日，人地可以見你耐D嘛！」
原來又係少女情懷總是詩。
「BB，你諗多左啦。特首話會推行未必就真係推行架。」我同神仙B解釋「到推行果陣，我地都畢左業啦！」
「咁...咁又係喎！耶！！搞到我好唔開心啊！你要氹返我！」神仙B即刻扭晒計
「好啦好啦...最多我午餐份手指餅留比你食啦。」
「好嘢！午餐有得食兩份手指餅！！」神仙B即刻破涕為笑
梁振英你好嘢！下年七一遊行我要你找返呢筆手指餅數！！