簡介

問米是可以將靈界朋友邀請上來的方法,但如果他們上來後不肯離開..................



~問米

第一場

時 : 23:00
景 : 住宅單位
人 : 瑜欣、三婆、阿約

 單位內
 環境陳設普通,跟一般家庭無兩樣


 屋內沒有亮燈,只靠桌上的燭光照明
 瑜欣微微低下頭,眼神堅定的一個人靜靜坐着
 飯桌上的燭光不住搖曳,使周圍氣氛顯得怪異
 突然一陣怪風吹來,將瑜欣的長髮也吹起
 瑜欣依然目光鎮定的坐着,分毫也沒被移動
 三婆此時從後拿出了一放有兩只雞蛋及一小撮米的碟子,還有一碗水來,並一同坐下

瑜欣 : (懷疑地) 你真係可以搵到我老公?

 三婆冷冷的向瑜欣看了一眼,沒有回答


 三婆先合上眼,口中唸唸有詞
 左手在桌上寫字,右手拿起一撮米向前撤
 接着不斷的拍打檯子
 三婆愈拍愈有投入,雙目反白
 瑜欣沒有被三婆嚇倒, 只定晴的看着
 三婆終停下來,身子一動也不動
 過了一會,並沈重地嘆了一口氣
 瑜欣誤以為是阿約已上了三婆身,整個人靠上前捉着三婆的手

瑜欣 : 阿約


三婆 : 我唔係你老公
瑜欣 : (失望地坐回原位) 咁我老公呢?

 三婆站起來亮燈,並走近大門

 得不到三婆回應,瑜欣追上前再問

瑜欣 : 我老公呢? 你又話可以搵到佢

 門鈴響起
 瑜欣驚喜的望向三婆
 三婆開門,門外阿約站在門外
 瑜欣看着阿約,不住搖頭

瑜欣: 佢唔係我老公


三婆: 佢係你老公
瑜欣: 我老公唔係咁樣
三婆: 佢真係你老公,只不過借左人地個肉身嚟見你

 瑜欣一臉猶疑,帶點不相信的看着阿約
 阿約伸出手輕撫瑜欣的臉

阿約: 我好掛住你

 瑜欣整個人即時軟化下來,眼淚流下 



第二場



時 : 23:30
景 : 單位內
人 : 瑜欣、阿約

 阿約跟瑜欣同坐到露台
 瑜欣依偎在阿約身上

瑜欣 : 你知唔知我搵左你好耐
阿約 : 我知,我全部都知
瑜欣 : 咁你唔出嚟見我,你知唔知我好辛苦呀?
阿約 : 其實我一係你身邊,不過唔知點出嚟見你
瑜欣 : 你一直係我身邊?
阿約 : (點一點頭) 係呀,不過過埋今晚我真係要走
瑜欣 : 唔好走,我地以後都要係埋一齊
阿約 : 我都唔想走,但係我地唔係同一個世界


瑜欣 : 我同你一齊走
阿約 : 唔好傻啦,我自己都唔知下世會投胎去邊?

 瑜欣愈哭愈厲害,哭得整張臉也埋在阿約胸膛
 過了良久才願抬起頭來,神情已稍為平復

瑜欣 : 咁你投左胎之後,我點知邊個係你?

 阿約拿起手上的紅酒倒在盆裁上
 瑜欣不明所以,疑問地看着阿約

阿約 : 如果有一日,你見到有人用紅酒嚟種花,果個就係我嚟

 瑜欣沒有回答,只含情默默的看着阿約
 合上雙眼,期待着阿約的一吻


 阿約此時登時緊張起來,最後還是選擇吻下去



第三場

時 : 06:00
景 : 住宅單位
人 : 瑜欣、三婆

 房間內
 瑜欣一個人伏在床上
 慢慢睜開雙眼,神情帶點迷網
 環顧四周,已見不到阿約
 瑜欣一臉失落的坐在床邊
 過了良久,才起床走出廳外
 只見三婆原來早已坐在沙發上
 瑜欣靜靜的坐在她身旁

三婆: 你老公走左啦,係時侯到你啦
瑜欣: (點一點頭)多謝你呀
三婆: 安心上路啦,有緣你地會再見面

 瑜欣慢慢合上雙眼,整個人軟軟的慢慢躺下
 三婆看了瑜欣一眼,確定她已離開

三婆: (揚聲道) 入嚟啦

 大門打開,走進來的是阿約
 阿約坐近瑜欣旁,並輕將她扶起

阿約 : 佢走左嗱?
三婆 : 係呀,應該去左投胎,佢噚晚有無咩懷疑過你
阿約 : 咁又無,佢真係當左我係佢老公咁
三婆 : (輕嘆一聲) 佢真係傻呀,個老公都走左咁耐啦,一早都已經投左胎啦,
如果唔係都無理由召咁耐都召唔到上嚟
阿約 : (看着懷內的阿美)咁阿美依家點呀?
三婆 : 佢比人上左身咁耐,都好傷,我諗要抖一段長時間

 阿約痛惜的抱着瑜欣

三婆 : 唔好怪佢啦,佢都係太掛住老公至會上左你老婆身,唔係有心傷害佢

阿約 : 我明白,同佢相處左成晚,我知道佢真係好愛佢老公
三婆 : 我都要走啦
阿約 : 呢次真係唔該哂

 三婆離開了單位
 阿約轉身看一看大門確定了三婆已離開,便輕拍瑜欣一下

阿約 : 起身啦,佢走左啦

 瑜欣睜開雙眼,精神的坐起了身子來

瑜欣  : 呢個三婆都算呃得我透,竟然搵人扮你,我頭先真係想殺左佢嫁
阿約  : 你唔好制,佢好厲害嫁,如果唔係我都唔駛做場戲嚟呃佢啦
瑜欣 : 駛咩驚佢呀,你唔信我轉頭就去搞佢
阿約 : 算啦,如果唔召我返嚟,我諗我都見唔返你啦
瑜欣 : 重好講,咁遲至返到嚟,我爭D比佢地呃到
阿約 : 點都好啦,我地依家係返埋一齊,重有埋呢兩公婆個肉身,以後都唔會再分開

全劇完