16歲果年,讀緊書而又唔鐘意讀書既我既緊中四,我唔知係咪我唔鐘意D老師定係D老師唔鐘意我,我永遠都係自已一個坐,而且我無舉手答問題 都要指我出黎答問題果種,可能因為佢知我一定唔識 經過好多次既審問 我已經忍唔住同佢講左一句 "我唔知你有無教過 但我肯定無學過!" 

就係因為呢一句,我比佢罰左 罰左咩?罰左放學留低整壁布呀! 對於我呢種零藝術天份既人黎講,我都唔知自已同一班畢加索門徒女同學留低係度做乜,之但係我又唔可以企係度乜都唔做,咁唯有問下班畢加索有咩幫手啦

結果我就同其中一個畢加索一齊剪紙,呢個畢加索叫MIKI,MIKI比我印像係平時唔出聲,但係有D咩要留堂做既話佢係會第一個應承果D傻婆黎既,你讀過書都明壁布係唔會做一日就攪掂,因為等畢加索設計完,仲要等莎士比亞加返一句相當有意思而凡人係好難理解既說話入去 例:"學校是我家 清潔齊參加"

如是者我同MIKI除左係平時上堂扮唔識之外,仲多左個每星期一日既羅浮宮藝術設計活動,經過幾個星期既設計,終於完成左個偉大既項目,而我亦都同一眾藝術家混熟,仲約埋聖誕假去長洲玩兩日..... 

老實講我一開始以為係亂UP,點知差唔多到果日果陣班畢加索真係約晒時間,咁當時既我就覺得一男三女好似大食左D,就叫埋D睇落算係玩得果D既一齊去 點知......
已有 0 人追稿