過時短談《太極1從零開始》

神奇、頂級，超卓......
就唔稱得上，但都算係一路奇片！

過時短談《太極1從零開始》
據講呢套電影係改編自陳氏太極引伸出楊氏太極既故事。我唔熟悉太極，但D動作場面......一如既往同好多功夫片一樣，浮誇。

不過睇呢套戲唔係睇動作場面，而係睇佢講故事既技巧。一開始就係一個沙場打仗既場面，無啦啦走個叫做「怪咖」咁既人物出黎，然後又打額頭粒肉角。嘩！條友突然爆seed，兩眼發光。心諗：做乜勁呀？想嚇死人咩？

然而，我再睇落去，慢慢就覺得呢套唔係膠片，係怪片。打緊仗既時間，鏡頭一轉就去番「怪咖」細個時。呢段竟然用左默片既形式黎表現。黎後番番現時，一路去到「怪咖」為左學拳治病，去左陳家溝。陳家溝既人阻止佢黎學拳，同佢有多場打鬥。當中竟又滲入左好多漫畫同遊戲既風格。人物旁邊有好多標示同解說，就好似睇緊漫畫咁，圖文並茂。「怪咖」同唔同既對手打個時，又有「round1,2,3」等既字眼。而且到後來第二男角彭于晏同女配角Mandy Lieu表白既時候，Mandy又出現左幾個諗法既選項，好似打機咁。 (仲有好多唔同既原素懶得講XD)





呢個時候我就覺得呢套唔係怪片，而係奇片。《太1》居然混入左多種電影原素，混成一種新穎既講故事手法。總括黎講，佢唔算係好神(甚至可能覺得爛)，但你可以當佢係一套實驗電影，嘗試搞D古靈精怪既野。有時亂咁撈醬唔一定好食，但一定有新野出。或者，總有一次會撈到D好野出黎呢！總之，我會睇埋之後第二，三集！