貓•勿語

「大家好，我是凌修，由於名字的關係，我常被人問我是不是教徒。其實我並不是任何一種宗教的教徒，但我卻相信這個世界有神的存在，而且更是無奇不有。因為我遇過很多古怪事情是常人較難遇見的，而且通常和別的人分享這些經歷時，都會被人笑，說我已經這麼大個人為何仍會這樣天無聊，去編作那些故事……他們永不相信其實這些事一直都發生在我們身邊。」

我的雙手就這樣不斷地在鍵盤上敲打著，為我新的一篇稿寫上序言。突然，來自電話的一陣震機聲使我停下手來。

「楠，搵我有咩事呀？」我一看來電顯示，便知道是我的拍擋找我

「搵得你就緊係有有趣嘅事發生啦！我表哥呀，做警察嗰個呢，佢話我知近排有宗神秘案件發生呀！」他十分興奮的向我道出

「有幾神秘呀？無耐前先比你跣過我一次咋喎！」由於我先前被他欺騙過，所以才這樣質問他





「哈哈，今次堅呀！係單兇案黎！個死者嘅死況十分詭異，連班警察都抓爆頭，仲打算輕輕淡化件事就算。」呀楠保持興奮的說

「係？咁我姑且信多你一次。咁不如出黎傾啦，始終方便啲。就晏晝4點老地方等啦。」

既然今次事件牽涉警方而且我又有感興奮，我就當作去聽個故事找找寫作靈感也好。

他滿懷自信地回答我：「好好！包你滿意！！」

――――――――――――――――――――――――――――――――――――――――――――――――
其實我並沒有一份穩定的正職，我做的是一名自由投稿人，把我的所見所聞所想寫成故事或文章向各種閱讀平台表發和投稿，但通常得到的回應都是負面的，說什麼太天馬行空呀，嘩眾取寵呀諸如此類的……但其實當中有很多都是真人真事。





「唉，果然係例遲……」我低頭望著手錶，坐在某老字號冰室中一角的卡位上，在喃喃自語

因為我實在等得不耐煩，我只好邊享受著其遠近馳名的絲襪奶茶，邊四周察看冰室的環境，好讓自己分心，別再焦急下去。我提著泛黃的白色奶茶杯，望向冰室的玻璃門、殘舊的吊扇、泛黃的菱形地板階磚，再望望已漸漸變老的伙記們，我真的覺得我根本在浪費青春！我受不了，我決定立即結帳回家，不再讓那閒人浪費我時間！

正當我差不多要拍枱起身之時，一把討厭的聲音就在那玻璃門的方向傳過來

「哈哈哈！對唔住，遲咗少少！點先，食咗野未先？」那狗娘養的，還在裝傻邊抓頭邊傻笑的走過來。

「少少？咩叫少少？約你4點可以5點幾先見人！簡直浪費我嘅青春！」要不是我不想傷和氣盡量壓抑怒火，我一 早便應以十八字真言相送





「Sorry囉，頭先去搵我表哥索料嘛，包你滿意！！」

「廢話少講！直入正題！」我真的不想再等了

「好好，你等我叫埋杯野飲先，我頭先直情飛過黎咁濟，點都要抖下氣掛？唔該……」

一杯香滑的熱奶茶已為他奉上了，他亦能繼續慢條斯理般逐口逐口呷那杯奶茶。那刻我真的想一巴掌煎落他的面上。

「點呀大佬，你肯講未，你再繼續咁我地就斷絕聯絡啦。」我受不了，冷冷的道

「得啦得啦，sorry大佬！好，入正題。修，你記唔記得幾個月前新聞咪成日報道有啲貓呀，狗呀，呢啲流浪動物比人毒殺或者比人虐打嘅？」

「記得，咁又點丫咁多單你指邊單先？」我一面不耐煩的截斷他的話





「比我講埋先啦。咁有條友咪比人捉虐打流浪動物之後比法庭判咗罰款，之後比人嘈話判得太輕嘅，而今次呢單野個受害人就係個條友！」

「哦，咁又點？好出奇咩？」我一面輕視的態度以洩不滿

「無錯啦，奇就奇在佢嘅死況！」他邊說這句說話時，嘴角竟微微向上翹起，像是胸有成竹的一副模樣

他說到這時便停下來，明顯是希望我會向他追問，好以滿足自己的滿足感吧。既然如此我便裝作一臉緊張似的向他追問好了

「吓？真係架？有幾奇呀？」我裝作緊張的問

「嘿嘿，問得好。聽我表哥講，條友死前一直都係度扮貓叫，而且目光呆滯似係撞邪。而最奇嘅係佢身上並無任何一道致命傷，而且驗屍更驗唔出係點死，只好暫時判定為驚嚇過度。」

「係？」我開始感到有少少興趣

「係，！係咪開始有興趣呢？」他擺出一副臭臉「仲有一點，法醫亦係佢身上發現多道抓痕，似係動物的抓痕，尤其似係貓爪。」





在他說到這點，無疑他在某程度上真的還挺了解我的。沒錯，我真的感興趣了，我希望可以到現場視察一下

「好，的確幾有趣，應該可以搵到啲有用的材料。你知唔知案發現場係邊？我想去睇下。」

「哈哈，都話你會有興趣架啦，我話咗架！」他仍擺出一副臭臉

「得啦，知你叻啦，咁你知唔知架？」我白了他一眼

「緊係知啦，係元朗呀！」

「好！埋單！」我忍不住揮一揮袖，便立即起身走向收銀處結帳起程