簡介

媽,好毒呀! 今日又黎講陳妍希......既電影





媽,好毒呀!
今日又黎講陳妍希......既電影

過時短談《愛的麵包魂》
話說我已經睇過好幾套陳妍希既電影啦,有《那些年》、《花漾》、《聽說》,連《不二神探》都睇左,而加仲睇埋《愛的麵包魂》。睇黎睇去,其實佢咁多個look都正正常常,睇得落呀。點解平時睇相睇小龍女個D會搞成咁?當然,目前睇左呢幾套,最好樣都仲係《那些年》個時啦。

OK番番黎,講番套戲先。
因為有陳妍希既關係,我就唔覺得悶既。不過呢套戲既戲路係好平淡,平凡。而且成個故事都係好普遍既完美男生同一個廢廢地既男生爭女,而最後緊係廢廢地贏啦!雖然《愛》係一套唔突出,冇乜高潮跌起既電影,但佢正正就係想講平凡之美。

女主角陳妍希一直想去法國,想睇下外面既世界。佢唔想成世都係鄉下地方平淡咁過一世。仲要佢男朋友,男主角陳漢典參加外國既麵包比賽,帶佢去外國。但陳漢典只係想同陳妍希平淡咁生活。係兩人產生左矛盾之後,第二男主角倪安東就黎啦。一個混血美男,法國麵包高手。佢帶比陳妍希好大既衝擊,三角關係從此展開。





當陳妍希憧憬住外國既美好時,倪安東同陳漢典相爭,大打出手。倪安東道出心聲,原來佢同陳漢典一樣,都只係想過D平凡既生活。係陳妍希心目中完美既佢,覺得自己都只係一個平凡人,佢追求既只係快樂。佢覺得係佢既名利、女人都係虛假既,只有同陳妍希一齊,先覺得呢種平凡既快樂係真實既。

到頭來,陳妍希都係揀左唔去法國,留係到同陳漢典平淡咁生活。由此至終,成套戲都用左普通、平凡既拍攝手法平鋪直述,特意冇用咩花巧野黎營造平凡之美。

其實都岩既,做人有好多時都係不斷去追求名利乜乜乜。係追求既過程可能犧牲左好多野,而當時仲係一股勁咁衝,會忽略左更值得珍惜既野。簡單、平淡,或者就已經可以好幸福。 [ 所以,陳妍希女神,唔好放咁多小籠包係個頭到,就咁束馬尾,著件普通既衫,就已經係女神啦!!(唔好搞咁多野啦好冇?)]
 
已有 0 人追稿