《我要回到過去同周杰倫爭女神》: 第一章《故事之開端》
又係星期一，踏入學校嘅門口，準備開始平平無期嘅校園生活。課室裏係一個又一個戴上面具嘅學生，表面上毫不介意成績差，但實際私底下非常努力嘅人，我討厭佢地，但又難怪嘅，係香港嘅教育制度逼成佢地咁。
而算得係我朋友嘅就只有啊傑，佢話過唔溫書就真係唔溫，而且我地有唔少共同興趣，例如籃球同高達，所以經常行埋一齊。我亦都知唔少人話我地係同性戀者，不過我行得正企得正所以我未驚過，而最好笑嘅係我同佢一樣好鐘意台灣女星桂綸鎂。一如以往佢今日又無返學，近呢一個月都係咁，睇呢今日又係訓到放學。
『呤⋯』醒返果陣已經係四點，我拖住極累嘅身體返屋企，入到房後我而精準嘅三分球技巧將書包掉向電腦檯面，眼角卻突然間發覺有一本筆記係檯角，上面寫住穿越筆記。