第十章《驚喜》

為咗買果部琴我決定係香港揾Part-Time做,每日直踩幾粒鐘,為咗買部琴我連見女神嘅時間都犧牲埋,我最終日做夜做兩個禮拜後都只係賺到二千蚊。

『得返半個月唉…』我睇著女神同我嘅距離愈來愈遠我不禁嘆氣。

『唉我唔介意幫埋你呢次嘅。』粗口天使同我講。

『真係嘅?』



『因為我想你贏周杰倫。』又係同樣嘅答案。

『其實我好想知點解妳想我贏。』

『因為我想幫佢報仇。』

『邊個佢?』

『多事。』



『點都好啦,今次真係好多謝妳。』

就係咁我終於都夠錢買果個琴,而我當然梗係唔會當面送比佢。

因為伯母一早見過我,所以我同佢串通偷偷地將個琴送上去佢屋企

講起上呢我已經有兩個禮拜冇見過女神,我揾曬成間學校終於係琴房搵到佢。

『你估下我係邊個?』我輕輕咁用雙手掩著佢雙眼。



『小亮!』女神突然轉身抱著我。

『妳好掛住我?』

『我好想你…超爛的國語。幹嘛突然失蹤?嚇死我了。』

『我⋯我病左。』

『現在好了點沒有?』

『好多了。係呀依家時間都唔早啦,不如我送你返屋企』

『嗯。』

當我車到去佢屋企既時候,我同佢講『我好口渴哦,可唔可以俾我入妳屋企借水飲。



『進來吧。』佢話。

佢一番到屋企見到部新琴就呆咗。

『是小亮送給你的驚喜。』伯母話。

真係多謝伯母幫我講埋。

『你這個男友還真體貼。』

『小亮,告訴我是真的嗎?你根本沒有病是嗎?』

我點頭回答。



『你這個傻子。』佢再次用力抱住我。

『謝謝你。』

『咁你聽日可唔可以放學同我去一個地方就當係報答我。』

『當然可以。』我已經至少領先周杰倫一個馬鼻。

『那麼我們明天見吧!』

臨走之前我發現咗原來女神佢都鐘意籃球同高逹,因為我見到有件波衫同模型,不過佢地有一種似曽相識嘅感覺。

第二日我約咗佢放學後去沙灘,沙灘慢步應該夠浪漫啦呱,我亦特登返去現實嘅東海堂買甜品比佢。

轉眼間我地已經到咗海灘。



『試下啦,我好用心整㗎。』當然話係我整㗎啦。

『挺不錯噢,想不到你竟然懂得弄甜品。』

『係超好。』

『我唔覺喎。』佢突然用唔咸唔淡嘅廣東話同我講,搞到我好想笑。

『你又想你的手臂受罪嗎?』

『唔係呀,我覺得妳好得意。』

『是超可愛。』



『其實妳同小倫係唔係男女朋友?』

『胡說,當然不是啦。』究竟係邊個講緊大話我當然希望係周杰倫。

『咁妳有冇鐘意嘅人?』妳會答是我嗎?

『我有而且還有兩個,你會不會覺得我好自私?這就是你們香港人所謂的一腳踏兩船嗎?』

『點會呢,每個人都可以有自己嘅選擇。況且愛情本身就係好複雜嘅野,梗係要深思熟慮先。』我口梗係咁講但係心並唔係咁諗。

當面對愛情嘅時候人總會變得自私,無人會願意同人分享愛人。有時我地仲會變得執著,即從對方唔愛自己我地亦唔會輕易放手,最後只會兩敗俱傷。

佢岩岩話有兩個,係指我同周杰倫嗎?

『那你呢?你有喜歡的人嗎?』女神問我。

『有一個。』

『是誰啊?』

『妳話我知妳鐘意邊個我咪話妳知囉。』

『終有一日我決定了選誰,我就會告訴你。』

『一言為定。』

『一言為定。』

如果我話我係穿越時空,特登呢揾妳,妳信唔信?』

佢聽完之後係到傻笑。

『係真㗎!有咩咁好笑?』

『因為你是第三個人跟我說這一番話喔。』

估唔到周杰倫為左追女仔出埋呢D屎橋,但係第二個人會係邊個?

『咁妳究竟信唔信?』

『我才不會相信你這麼偉大為了我穿越時空噢。』

『是嗎?』無錯為咗你我就係咁偉大,總有一日你會相信我。

之後呢兩個禮拜我每日都整甜品比佢食同送佢返屋企,我地成日打電話傾通宵,互相講自己嘅秘密比大家知。呢半個月,可以話係我人生中過開心嘅日子。可惜好景不常, 周杰倫返呢嘅日子終
於到左。


而不經不覺間穿越筆記紙亦所剩無幾