《我要回到過去同周杰倫爭女神》: DLC《後記》

 用咗一個星期終於完成長約14000字嘅短篇小說。其實呢次亦係我第一次寫小說，所以有唔少細節位都寫得未夠仔細，有時會出現前言不對後語嘅情況，呢點我有必要向大家致歉。
 
雖然呢本小說話就話係愛情小說，但係實質故事嘅前段及中段都係講鬥智，只有好少愛情位，到最後先開始講述愛情，呢一點我自己都有D不滿。其實故事中有D細節我係故意唔交代嘅，而咁
做係因為我要為續集鋪路。（雖然我都唔知會唔會有續集）

  點都好啦，其實故事係想帶出幸福並唔係必然，就好似故事中司馬瑜亮為咗追桂綸鎂需要下好多心機同時亦要犧牲好多野。當你擁有嘅時候你亦要學識珍惜，否則就只會後悔一世，到抱怨時已經太遲。

  情人節將至，希望已經有伴侶嘅讀者們要好好珍惜眼前人，因為兩人能夠相戀已經係不可思議了，而且這世界並沒有穿越筆記幫你回到過去。而仲係單身嘅就祝你地早日找到自己嘅『女神』。

  仲有，我真係要衷心向你地致敬，你地能夠忙裏抽閒睇我作嘅小説已經係不勝感激，你地就好似穿越天使一樣幫咗我好多，有你地先有我。而且我非常希望同歡迎你地可以留言，比D建議我，咁我先知自己究竟寫成點。



  若果得閒嘅話不妨睇下電影《不能說的。秘密》同小說《周瑜與周家庭的愛情故事》，佢地都非常值得睇。

  最後，我都係要不厭其煩咁講多句，多謝你地。

  讀者們，我地有緣再見。