〔熱血〕【一班兄弟去台灣溝女】台灣遠征團: 3

直到廣告時間，才出現第一句對白。
「嘩屌！台妹真係好拎正啊！」當時已破處的精強說。
「正還正，唔好係我屋企打飛機！」我警告著性慾過強的精強。
「屌，唔打囉，小氣到死。我今晚返屋企先打。」想不到精強真的有在我家中打飛機的打算。
「喂，肥斌。你覺得頭先邊條女最得啊？」精強追問肥斌。
「嗯…我鍾意meimei果類型。你呢？」肥斌說。
「嘩屌！你都食得幾肥膩架喎！唔怪得你個身形保持得咁好啦！我就鍾意Apple果款啦！」精強說。
「竟然係果件？你唔覺得佢塊面好長咩？成個廿四老麥廣告果個月亮人咁。」我說。
「月亮光光月亮光光~~夜靜更深對朗月~~朗月清輝亮……」技安又唱起歌來。
「收聲啦！技安！」我們異口同聲說。




 
「不過話時話，點解台妹真係好似正過港女好多？」大同發問。
「我知！」精強舉起手。
「答你就答啦，舉乜春手啊！」我不滿地說。
「依個原理其實好簡單，就係…隔！離！飯！香！」精強故意逐隻字讀出。
「姐係點？唔明。」大同耐心地繼續發問。
「所謂物以稀為貴，台妹對我地黎講係比港女難食。所以我地會覺得佢地正！其實同一道理，台妹都會覺得港男正！只要我地去台灣！食台妹係易到爆炸既事！」精強激動得站起來說。
「爆炸好麻煩~~爆炸好麻煩~~爆大炸彈……」技安興奮地大聲唱。
「收聲啦！技安！」
 




「係啊，講就易。真係去到食到先講啦！」我一盤冷水大力潑向精強。
「我都覺得無咁易。」大同和聲。
「你地太睇少自己！點解！點解人地外國人可以去到邊都覺得自己溝死女？我地香港人就要覺得自己去到邊都係溝唔到女既可憐蟲？係因為我地既民族低人一等？唔係！係因為你地自卑咋！根本上我地無野比唔上死鬼佬！我地放lunch放一個鐘，真係食野既時候只係用左唔夠十五分鐘，男既仲有時間打場機再返公司，女既行埋街買埋野都仲得！果D法國佬on99食個飯都食成四個鐘！on9！一D效率都無！講效率我敢講香港人係數一數二！但係最後我地香港人因為自卑感太強，竟然on9到話法國佬依D先叫享受人生！享佢老味，你真係有假放都唔會食四個鐘頭飯啦！我地男既打機，女既買野先係真正既享受人生！」精強越說越激動，已經站起來的精強用俯仰的視覺看著我們。加上他激動的情緒，感覺非常有說服力。
 
「你地可以繼續睇小自己！但唔好忘記你睇小自己既同時你係代表緊香港人！一個上網速度有100M既地方既人！你覺得自己比唔上一D連高登都慢到上唔到既國家既人！你最後要選擇成世都係深圳838溝女係你既自由！你要唔求上進係你既自由！你要做廢柴係無人可以阻到你！但係！你甘心咩？你甘心成世只係見識過大陸妹咩？只要你不甘做一個廢柴既，我就同大家約定！我依家成立台灣遠征團！我地台灣遠征團一定會凱旋！我地一定會食到台妹！我唔會放棄任何一位同伴！直到我地每一位都食到台妹為止！」精強舉起左手拳頭，雙眼望向天花板。